1 Bitrus 1:12 - Dadiya NT

¹² Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 1:12 ပူးပေါင်းရင်းမြစ်များ

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Luka 2:26

Yʊwa Kwaamaɨ a kwɛl a nʊng gǝn gɔ, gǝ kuwo kuwo bʌtʌm Kiristii, a Tɛlalɔɨ, sǝla ga bʊla.

Luka 9:6

Nǝngɔ ja gun ja dɔba mʊgɔ bɛl tuulɔtɨnɨ, jǝ kiyo fulon kɛl lǝmɨgɔ lɛ, jǝ gung nǝb bɔɔlamɔ lɛ.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Maajɨ Bɛtɔ Twamagɨɨ 10:44

Bitrus kiyo kɛlɔ lɛ wo dɨn, nǝngɔ Yʊwa Kwaamaɨ a gǝla a dul nǝb nɨ nyʊwa kɛl gǝnɔ lɛɨ.

Maajɨ Bɛtɔ Twamagɨɨ 16:10

Bulus a kuwo dʊgam nyangnyang nɨɨ, tʌgo a kang nǝngɔ nǝn fɛka nǝn shu a Makidoniyaɨ, jʊ a bwɨɨ nǝn nyǝm nǝn Kwaama a jo nǝn gɔ ya nǝn sʊwa ji fulon kɛl lǝmɨ nɨɨ.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Maajɨ Bɛtɔ Twamagɨɨ 4:8

Bitrus nɨ Yʊwa Kwaamaɨ a kwɛl a yii bʊtɔ gǝnɨ, nǝngɔ a sʊwa ji gɔ, “Jǝ́ nǝb bwangtǝm nǝn nǝbɔ jǝbɔ nǝb dʊʊm nǝbɨɨ!

Maajɨ Bɛtɔ Twamagɨɨ 8:25

Nǝn kwama Bitrus jǝbɔ Yohana ja nǝ nyiyo a dul Yesui, jǝbɔ kiyotǝm fulon kɛl lǝmɨ Tɛlalɔɨ, nǝngɔ ja yǝla a Urushalimaɨ. Nǝn kwama jǝ yǝlam lɛ a Urushalimaɨ, nǝngɔ jǝ sʊwa fulon kɛl lǝmɨgɔ lɛ a bɛl tuulɔtɨn nɨ a tǝm Samariya a lada nyɨɨ.

Roma 1:15

N jʊ a bwɨ mǝ swɨ lɛ n sʊwa jen fulon kɛl lǝmɨgɔ tʌjeni, jen nɨ a Romaɨ.

Roma 1:17

Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

Roma 10:15

Maa nyǝn nǝb kiyotǝmɔ kiyo lɛ na ja twam ji bɨɨ? Kanga a mʊla mʊlaɨ gɔ, “N jǝ bʊmǝn a nǝb nɨ a bɛ nǝn fulon kɛl lǝmɨ nɨɨ!”

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

1 Korinti 2:10

Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ.

2 Korinti 1:22

A ka bǝm kwatɨ gǝnɔ gɔ bǝ na a gɔ, a nǝ bǝn Yʊwa gǝnɔ a nǝl bǝn. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

Galatiya 1:12

Mǝ yo bɔ a daagɔ nǝfili woi. Mɨ nʊ nɨ wo a mɛla mɨɨ. Nǝn Yesu Kiristi nǝn kang gǝn a nʊng ɨ fulon kɛl lǝmɨ nɨɨ.

Galatiya 1:16

a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Ibranii 11:13

Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.

Ibranii 4:2

Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.

1 Bitrus 1:25

A kɛl Tɛlalɔɨ, tɨ tɨ, mɨ dɨtǝm wo.” Nǝn gɔ fulon kɛl lǝmɨ nɨ ja kiyo jemi.

1 Bitrus 4:6

N jʊ a bwɨ ja kiyo fulon kɛl lǝmɨgɔ a nǝb nɨ gǝm mɨ nǝn kʊlɨɨ, nǝb nɨ ja biyo jim borang a mʊgɔ bʊtɔɨ, sǝ ja nya ja yɨ a mʊgɔ yʊwa, na Kwaama.

Dʊgam Nyangnyang 5:11

Nǝngɔ mǝ dʌngi, nǝngɔ mǝ nyʊwa diil bɛtɔ twama Kwaamaɨ a lada nyɨɨ, ladatǝm jinɔ a la fʊlkʊblǝntɨn a yɔ nǝn a fʊlkʊblǝntɨn, fʊlkʊblǝn kʊb naagɔ fʊlkʊblǝn kʊb. Ja kangǝm kotere fɔlɔnɔ jǝbɔ kanjǝl nɨ nǝn kʊlɨɨ jǝbɔ daltɔ dʊʊmɔ.