Zefania 3:7 - BAIBLO ALOO NGMAMI KLƆUKLƆU Ɔ

⁷ I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”

Zefania 3:7 ပူးပေါင်းရင်းမြစ်များ

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Hiob 36:10

E kaa a hɛ mi saminya, nɛ e deɔ mɛ ke a kpa yayami peemi.

La 32:8

Yawɛ ke, “Ma tsɔɔ mo blɔ nɛ o nyɛɛ nɔ. Ma tsɔɔ mo ní, nɛ ma wo mo ga.

Abɛ Womi 19:20

Bu ga womi tue, nɛ o ha a tu mo slɔmi munyu, konɛ o na nile nɛ o kɛ bu o he hwɔɔ se.

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Yeremia 17:23

Nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu, a pee we. A wa tue, bɔ nɛ pee nɛ a ko nu nɔ́ nɛ i ngɛ mɛ dee ɔ, nɛ a ba kase ní.

Yeremia 25:5

A de nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛ kpa yayami peemi, konɛ zugba a nɛ Yawɛ ngɔ ha nyɛɛ kɛ nyɛ nɛmɛ ɔmɛ blema kaa nyɛ weto ní ɔ, nyɛɛ hi nɔ daa.

Yeremia 36:3

Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yeremia 38:17

Kɛkɛ nɛ i de Zedekia ke, “Bɔ nɛ Yawɛ Tabohiatsɛ, Israel Mawu ɔ, de ji nɛ ɔ nɛ: ‘Ke o maa ya nɛ o ya nu Babilonia matsɛ ɔ ma nimeli ɔmɛ a nane ɔ, a maa ngɔ o wami kɛ ke mo, nɛ a be ma nɛ ɔ sãe. A ma he o kɛ o we ɔ tsuo nyɛ yi wami.

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.

Yeremia 8:6

Ke i bu nyɛ ní sɛɛmi he tue keii ɔ, mɛni ji nɔ́ nɛ i nuɔ? Lakpa sɔuu! Nɔ ko nɔ ko tu we anɔkuale. Nyɛ ti nɔ ko nɔ ko he yayami dɔɛ lɛ nɛ e pia e he, nɛ́ e bi e he ke, ‘Ao, mɛni ji nɔ́ nɛ i pee nɛ ɔ?’ Nɔ tsuaa nɔ ngɛ lɛ nitsɛ e blɔ nɔ kɛ bee kaa okpɔngɔ nɛ ngɛ fo tue kitikiti ngɛ ta nga nɔ.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Mose V, 4:16

konɛ nyɛ ko ya ye sane yaya, nɛ nyɛ ya pee amaga ko ha nyɛ he, nɛ ngɛ kaa nyumu, loo yo,

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.