Zefania 3:5 - BAIBLO ALOO NGMAMI KLƆUKLƆU Ɔ

⁵ Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Zefania 3:5 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 34:10

Lɔ ɔ he ɔ, nyɛɛ bu mi tue, nyɛ juɛmitsɛmɛ! Anɛ Mawu maa pee yi wu tso ní lo? Anɛ Ope ɔ maa pee nɔ́ nɛ dɛ blɔ lo?

Hiob 7:18

O ba slaa lɛ daa mɔtu, nɛ o kaa lɛ kpitikpiti.

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

La 37:6

E maa ye dami sane ha mo; e maa wo mo nguɔ. Nɔ́ nɛ ɔ maa je kpo paa kaa pu la, nɛ nihi tsuo maa na.

La 92:15

Enɛ ɔ tsɔɔ kaa Yawɛ da. Nɔ nɛ buɔ ye he ɔ, yayami ko be e he.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 28:19

E maa ba nyɛ nɔ nɔtonɔto daa mɔtu. Nyɛ maa na amanehlu nyɔ kɛ pia. Sɛ gbi he tsuaa sɛ gbi he nɛ maa je Mawu ngɔ kɛ ba a maa wo nyɛ he gbeye wawɛɛ.

Yesaya 33:2

Yawɛ, wa kpa mo pɛɛ, naa wɔ mɔbɔ. Wa ngɔ wa hɛ ngɔ fɔ o nɔ. Buu wa he be tsuaa be; nɛ ke wa ngɛ amanehlu nae ɔ, kpɔ wɔ.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Kɔmɔ Yemi 3:23

Ní nɛ ɔmɛ peeɔ ehe daa mɔtu. Yawɛ we anɔkuale yemi ɔ kle.

Ezekiel 18:25

“Nyɛ deɔ ke, ‘Nɔ́ nɛ Nyɔmtsɛ ɔ pee ɔ dɛ.’ Israel bi, nyɛɛ bu mi tue. Nyɛ susuɔ kaa bɔ nɛ i peeɔ níhi ɔ dɛ lo? Anɛ pi nyɛ mohu nɛ nyɛ ní peepee ɔmɛ dɛ lo?

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.

Zefania 2:1

Nyɛ ma nɛ zo be nyɛ hɛ mi, nyɛ bua nyɛ he nya nɛ nyɛɛ pee juɛmi,

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Zefania 3:15

Yawɛ gbla nyɛ tue ta; e fie nyɛ he nyɛli ɔmɛ ngɛ nyɛ he. Yawɛ, Israel matsɛ ɔ ngɛ nyɛ kpɛti; nyɛ be gbeye yee hu.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Luka 12:2

Nɔ́ ko be nɛ a bu nɔ, nɛ a be kpo jee; nɛ nɔ́ ko hu be nɛ a ngɔ laa, nɛ a be lee.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mose V, 23:14

Ha nɛ o ta sito he ɔ nɛ pee klɔuklɔu; ejakaa Yawɛ, o Mawu ɔ kɛ mo ngɛ lejɛ ɔ, konɛ e baa o yi, nɛ o ye o he nyɛli ɔmɛ a nɔ kunimi. Koo pee afa nɔ́ ko nɛ ma ha nɛ Yawɛ maa je o he.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.