Zefania 3:2 - BAIBLO ALOO NGMAMI KLƆUKLƆU Ɔ

² Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Zefania 3:2 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

La 50:17

O sume tsɔsemi, nɛ ye munyu hu o sake ngɔ fɔ o tue se.

La 73:28

Se imi lɛɛ e hi kaa ma hɛ mi kɛ su Mawu he. Ma ya sa we ngɛ Nyɔmtsɛ Yawɛ ngɔ, nɛ ma sɛɛ níhi nɛ e pee ɔ tsuo.

La 78:22

Ejakaa a ngɔɛ a hɛ kɛ fɔɛ Mawu nɔ; a he we yi kaa e ma he a yi wami.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Abɛ Womi 5:12

nɛ o maa hi dee ke, “Mɛni he je i kplɛɛ we nɛ a tsɔse mi ɔ? Mɛni he je i ngmɛ́ blɔ nɛ a ka ye hɛ mi ɔ?

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 43:22

Yawɛ ke, “Se mo Israel, ye he sane ba ti mo; o ja we mi hu.

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Ezekiel 22:24

E ke, “Nɔmlɔ adesa, de Israel bi ɔmɛ ke, ligbi ɔ nɛ ye mi mi ma fu ɔ, nyɛ maa pee kaa zugba nɛ a hu we, nɛ́ hiɔmi hu nɛ́ ngɛ nɔ.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

2 Timoteo 3:16

Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.