Zefania 3:14 - BAIBLO ALOO NGMAMI KLƆUKLƆU Ɔ

¹⁴ Yerusalem bi, nyɛ la kɛ bua jɔmi; Israel ma, nyɛ hwɔ lele. Yerusalem bi, nyɛ nya nɛ nyɛ bua nɛ jɔ nyɛ he.

Zefania 3:14 ပူးပေါင်းရင်းမြစ်များ

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

La 14:7

Mɛnɔ maa je Zion ba he Israel yi wami? Yawɛ ma a nɛ a nuu kɛ ho ɔ, ke lɛ, Yawɛ ɔ kpale mɛ kɛ ba ekohu ɔ, Israel ma na bua jɔmi, nɛ Yakob ma nya.

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 97:8

Mawu, Zion ma mi bi ɔmɛ, kɛ Yuda ma amɛ nu o dami sane yemi ɔ he, nɛ a bua jɔ a he, nɛ a nya.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

Yesaya 40:1

Bɔ nɛ wa Mawu ɔ ngɛ dee ji nɛ ɔ nɛ: “Nyɛɛ jɔɔ ye ma a bua! Ee, nyɛɛ jɔɔ ye ma a bua!

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 52:9

Nyɛ Yerusalem tsu kokoehi, nyɛ bua nɛ jɔ, nɛ nyɛ hwɔ lele! Ejakaa Yawɛ ma he e ma a yi wami, nɛ e maa jɔɔ e ma mi bi ɔmɛ a bua.

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Yeremia 30:19

Ni nɛmɛ nɛ ngɛ lejɛ ɔ ma la yi jemi la, nɛ a ma hwɔ lele. Ma gbaa mɛ; a maa hiɛ babauu, nɛ ma wo a hɛ mi nyami.

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Mika 4:8

Nɛ mo Yerusalem, he nɛ Mawu hii nɛ e kɛ hyɛɛ e ma a nɔ kaa to hyɛlɔ ɔ, o he wami kɛ o blɔ nya nɛ o hɛɛ kaa matsɛ ma a, o maa kpale na ekohu. Mawu lɛ de.

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”