Zefania 3:11 - BAIBLO ALOO NGMAMI KLƆUKLƆU Ɔ

¹¹ Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Zefania 3:11 ပူးပေါင်းရင်းမြစ်များ

La 131:1

Yawɛ, i wo we ye he nɔ, konɛ ye hɛngmɛhi nɛ hi hiɔwe níhi pɛ hyɛe; pohu ní nguanguahi, kɛ níhi nɛ ngɛ nyakpɛ tsɔ ha mi ɔ, i nyɛɛ we a se.

La 49:5

Ke he nyɛli bɔle mi kɛ kpe, nɛ a ngɛ mi nisɛ ní pee po, mɛni he je ma ye gbeye?

La 59:12

Munyuhi nɛ jeɔ a nya a, yayami sɔuu, nɛ a hlaa kaa a wo a he nɔ. Lɔ ɔ he ɔ, ba mɛ si! Akɛnɛ a gbiɛɛ nɔ, nɛ a yeɔ lakpa he je ɔ, ha nɛ a he nɔ womi ɔ nɛ pee klama nɛ du mɛ.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 5:15

Zo maa gbe ni ɔmɛ tsuo, nɛ a maa ba he woli tsuo si.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Yesaya 61:7

Zo nɛ gbe nyɛ, kɛ nyɛ hɛ mi nɛ pue si ɔ, lɛ tsuo nya maa be. Nyɛ maa hi nyɛ nitsɛmɛ nyɛ zugba nɔ jehanɛ; nyɛ ma na ní babauu nitsɛ pe sa a, nɛ nyɛ bua maa jɔ kɛ maa ya neneene.

Yeremia 13:9

“Yuda he nɔ womi, kɛ Yerusalem he nɔ womi babauu ɔ, bɔ nɛ nyagbe ɔ maa ba ha ji nɛ ɔ nɛ.

Yeremia 7:4

Munyuhi nɛ nihi tuɔ nɛ a kɛ sisiɔ nyɛ ɔ, nyɛ ko he ye. A deɔ nyɛ ke, ‘Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ!’

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Daniel 9:16

Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Romabi 2:17

Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”