Zefania 3:10 - BAIBLO ALOO NGMAMI KLƆUKLƆU Ɔ

¹⁰ Ye nihi nɛ gbɛ fĩa a maa ngɔ nike ní kɛ je tsitsaa Sudan po kɛ ba ha mi.

Zefania 3:10 ပူးပေါင်းရင်းမြစ်များ

La 68:31

Ha nɛ a ngɔ akɔblee kɛ je Egipt kɛ ba, nɛ Sudan bi a he nɛ sɔ kɛ wo a nine nɔ kɛ ha mo Mawu.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 18:1

Zugba ko ngɛ Sudan pa amɛ a se kɛ e nɔ abalaa lɛhi babauu.

Yesaya 18:7

Be ma nɛ Yawɛ Tabohiatsɛ ɔ ma na nike ní kɛ je zugba kɛ e nɔ pahi babauu ɔ nɔ. E ma na nike ní kɛ je nimli gagaagahi kɛ a he tlotlootlo nɛ je ɔ tsuo yee mɛ gbeye ɔ a dɛ mi. A maa ba Zion yo ɔ nɔ, he nɛ a jaa Yawɛ Tabohiatsɛ ɔ ngɛ ɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yohane 7:35

Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Ni Tsumi 24:17

“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.

Ni Tsumi 8:27

Filipo dla e he, nɛ e ho. Benɛ e yaa a, e na Etiopia manyɛ ɔ tsɔlɔ nɔkɔtɔma ko nɛ a puɛ lɛ. Lɛ nɛ e hyɛɛ manyɛ ɔ juetli nɔ. Nyumu nɛ ɔ ya Yerusalem ya ja Mawu, nɛ e kpale kɛ yaa e ma mi ngɛ e zugba lɛ mi. Benɛ e yaa a tsuo e ngɛ gbalɔ Yesaya womi ɔ kanee.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.