Zefania 2:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Zefania 2:9 ပူးပေါင်းရင်းမြစ်များ

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Yeremia 48:1

Bɔ nɛ Yawɛ Tabohiatsɛ, Israel Mawu ɔ de ngɛ Moab he ji nɛ ɔ nɛ: “Musu tloo Nebo bi ɔmɛ, ejakaa a kpata a ma a hɛ mi! A pue Kiriataim hɛ mi si, nɛ a ngɔ ma a. A ku mɔ ngua a ngɔ pue si, nɛ a bɔ lɛ ahlua.

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Romabi 14:11

Ejakaa ngmami ɔ deɔ ke, “Nyɔmtsɛ ɔ ngɛ kita kae ke Nɔ tsuaa nɔ ma kpla si ha mi Nɛ nɔ tsuaa nɔ ma gba mi ma de paa ke imi ji Mawu.”

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Zefania 2:14

Nineve ma plɛ pee tohi kɛ pu mi lohwe slɔɔtoslɔɔtohi a hi he. Ablɛgogoe maa pee muɔ ngɛ lejɛ ɔ. Okpoku kɛ klomi maa hi hwɔe kɛ je saflɛ mi ngɛ mɔ kokoe ɔmɛ a nɔ, nɛ kuakualabite maa hi pɛe kuaakuaa ngɛ sinya tso ɔmɛ a yi mi. Seda ma kpɔ ngɛ tso ɔmɛ a he.

Zefania 2:7

Yuda wɛtso ɔ mi nihi bɔɔ nɛ a yi ma na wami ɔ, nyɛ zugba a nɔ lejɛ ɔ ji he nɛ a maa hi. A maa lɛ a lohwe ɔmɛ ngɛ lejɛ ɔ, nɛ a ma ya hwɔ we ɔmɛ a mi ngɛ Ashkelon. Yawɛ, a Mawu ɔ kɛ mɛ maa hi si, nɛ e ma ha nɛ a maa bɔ ekohu.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Yeremia 49:18

Kaa bɔ nɛ a kpata Sodom kɛ Gomora, kɛ kɔpehi nɛ bɔle mɛ ɔ a hɛ mi ɔ, ja pɛ a maa pee Edom; nɛ nɔ ko nɔ ko be lejɛ ɔ hie hu. Imi, Yawɛ lɛ i de.

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Mose IV, 14:21

Se anɔkuale, ligbi abɔ nɛ ye hɛ ngɛ, nɛ imi Yawɛ, ye hɛ mi nyami ma hyi zugba a tsuo tɔ ɔ,

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Yeremia 49:33

Hazor maa pee ma doku kɛ nga mi gbehi a hi he kɛ ya neneene. Nɔ ko nɔ ko be lejɛ ɔ hie hu. Imi, Yawɛ lɛ i de.”

Amos 2:1

Yawɛ ke, “Moab ma mi bi ɔmɛ pee yayamihi nɔtonɔto babauu. A pue Edom matsɛ ɔ hɛ mi si; a sã e wuhi, nɛ a wɛɛ mɛ mɔnyɔmɔnyɔ kɛ pee kalo. Enɛ ɔ he je ɔ, ja i gbla a tue kokooko.

Mose V, 29:22

“Hwɔɔ se yi nɔ bi nɛ ji nyɛ nina, kɛ nibwɔhi nɛ je ma se zugbahi a nɔ tsuo maa na haomihi, kɛ amanehluhi nɛ Yawɛ kɛ ba nyɛ zugba a nɔ ɔ.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.