Zefania 2:8 - BAIBLO ALOO NGMAMI KLƆUKLƆU Ɔ

⁸ Yawɛ Tabohiatsɛ ɔ ke, “Jɛmi nɛ Moab bi ɔmɛ kɛ Amon bi ɔmɛ ngɛ ye ma a jɛe, ahlua nɛ a ngɛ mɛ bɔe, kɛ a he nɔ nɛ a ngɛ woe nɛ a ngɛ dee ke a ma kpɔ a zugba a, i nu.

Zefania 2:8 ပူးပေါင်းရင်းမြစ်များ

Mose I, 19:37

Dede ɔ ba fɔ binyumu, nɛ e wo lɛ biɛ ke Moab. Lɛ ji mwɔnɛmwɔnɛ ɔ Moab bi ɔmɛ a nɛ̃.

Mose I, 19:38

Kɔkɔ ɔ hu ba fɔ binyumu, nɛ e wo lɛ biɛ ke Benami. Lɛ ji mwɔnɛmwɔnɛ ɔ Amon bi ɔmɛ a nɛ̃.

Yesaya 15:1

Sɛ gbi nɛ kɔɔ Moab he ji nɛ ɔ nɛ. Nyɔ kake too mi ɔ, a kpata Ar kɛ Kir a hɛ mi, kɛkɛ nɛ Moab zugba a nɔ tsuo jɔ.

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 48:1

Bɔ nɛ Yawɛ Tabohiatsɛ, Israel Mawu ɔ de ngɛ Moab he ji nɛ ɔ nɛ: “Musu tloo Nebo bi ɔmɛ, ejakaa a kpata a ma a hɛ mi! A pue Kiriataim hɛ mi si, nɛ a ngɔ ma a. A ku mɔ ngua a ngɔ pue si, nɛ a bɔ lɛ ahlua.

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Kɔmɔ Yemi 3:61

“Yawɛ, ahlua nɛ a bɔ mi ɔ, o nu. Yi mi yaya tsuo nɛ a to kɛ wo ye he ɔ, o le.

Ezekiel 21:28

“Nɔmlɔ adesa, gbaa, nɛ o fiɛ ke Amon bi ɔmɛ nɛ ngɛ Israel hɛ mi si puee ɔ, imi Nyɔmtsɛ Yawɛ, i ngɛ mɛ dee ke, ‘A hia klaate ko nɛ a kɛ ma kpata nihi a hɛ mi. A sa klaate ɔ he, nɛ e ngɛ kpɛe nylamnylam kaa oslabai, konɛ a kɛ gbe nihi.

Ezekiel 25:1

Yawɛ kɛ mi tu munyu ekohu.

Ezekiel 35:12

O ma na maa le jehanɛ kaa imi Yawɛ, i nu o musu bɔmi munyu ɔmɛ nɛ o tu kɛ si Israel yo ɔmɛ ke, ‘Yo ɔmɛ a nɔ pee pasaa; a ngɔ kɛ ha wɔ nɛ waa pee mɛ bɔ nɛ wa suɔ’ ɔ.

Ezekiel 36:2

Nyɔmtsɛ Yawɛ, i ngɛ mɛ hae ɔ, a bu tue: Israel he nyɛli ɔmɛ pee pupuupu kɛ fĩa, nɛ a de ke, ‘Yiɛɛ! Blema yo ɔmɛ ba pee wa níhi.’

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 2:1

Yawɛ ke, “Moab ma mi bi ɔmɛ pee yayamihi nɔtonɔto babauu. A pue Edom matsɛ ɔ hɛ mi si; a sã e wuhi, nɛ a wɛɛ mɛ mɔnyɔmɔnyɔ kɛ pee kalo. Enɛ ɔ he je ɔ, ja i gbla a tue kokooko.

Zefania 2:10

Tue gblami nɛ Moab bi ɔmɛ kɛ Amon bi ɔmɛ ma na ji nɛ ɔ nɛ; ejakaa a wo a he nɔ, nɛ a bɔ Yawɛ Tabohiatsɛ ɔ ma a ahlua.

Yoshua 5:9

Lɔ ɔ se ɔ, Yawɛ de Yoshua ke, “Mwɔnɛ ɔ, i jé Egipt nyɔguɛ peemi zo ɔ kɛ je nyɛ nɔ.” Lɔ ɔ he ɔ, a wo lejɛ ɔ biɛ ke Gilgal, nɛ jã nɛ a tsɛɛ lejɛ ɔ kɛ ba si mwɔnɛ ɔ.