Zefania 2:5 - BAIBLO ALOO NGMAMI KLƆUKLƆU Ɔ

⁵ Nyɛ Filisti bi nɛ nyɛ ngɛ wo nya, kɛ nyɛ ni nɛmɛ nɛ nyɛ ngɛ Kanaan zugba a nɔ, musu tloo nyɛ! Yawɛ bu nyɛ hu fɔ. Yawɛ ma kpata nyɛ hɛ mi, nɛ nyɛ ti nɔ kake ngmelu po he be mi jee.

Zefania 2:5 ပူးပေါင်းရင်းမြစ်များ

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yesaya 14:30

Yawɛ ma ha ohiatsɛmɛ a bimɛ ɔmɛ niye ní, nɛ e ma ha nɛ nɔ́ nali maa hi si ngɛ tue mi jɔmi mi. Se nyɛ Filisti bi ɔmɛ lɛɛ e ma ha hwɔ nɛ nya wa maa ye nyɛ; hwɔ nɛ ɔ maa gbe nyɛ tsuo pɛpɛɛpɛ nɛ e be nɔ kake ngmelu po piɛe.

Yeremia 47:7

Se kɛ klaate ɔ maa jɔɔ e he kɛɛ, be mi nɛ i ha lɛ ní tsumi ke e tsu ɔ? I fa klaate ɔ ke e ya tua Ashkelon bi ɔmɛ, kɛ ni nɛmɛ nɛ ngɛ wo ɔ nya a.”

Ezekiel 25:16

Lɔ ɔ he ɔ, i ngɛ dee ke, i kɛ Filisti bi ɔmɛ maa to ní; ma tua mɛ, nɛ ma kpata a hɛ mi pɛsɛpɛsɛ; Keret bi ɔmɛ, kɛ nihi tsuo nɛ ngɛ wo nya ma amɛ a mi ɔ be a he yee.

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Amos 5:1

Israel ma, nyɛɛ bu kɔmɔ yemi la nɛ ɔ nɛ imi Amos, i ngɛ lae ha nyɛ ɔ tue:

Zefania 1:11

Nyɛ nihi nɛ nyɛ ngɛ Yerusalem dɔ ɔ si je ɔ, ke nyɛ nu ní nɛ ɔmɛ a he ɔ, nyɛɛ wo yana nɛ nyɛ nya awe. Ejakaa nyɛ jua yeli ɔmɛ tsuo a yi ta!

Zefania 3:6

Yawɛ ke, “I kpata je mahi a hɛ mi; i ku a mɔ nguangua amɛ ngɔ pue si. Ma amɛ pee ma dokuhi; gbɛjegbɛ ɔmɛ fɔɔ si gu, nɛ nɔ ko nɔ ko be a nɔ.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Yoshua 13:2

Zugba nɛ piɛ ɔ ji Filistia kɛ Geshur zugba a,

Yoshua 13:3

kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Samuel I, 30:14

Wa ya tua Keret bi a zugba a nɛ ngɛ Yuda leneyi je ɔ, kɛ Kaleb bi a zugba a, nɛ wa sã Ziklag ma a.”