Zefania 2:3 - BAIBLO ALOO NGMAMI KLƆUKLƆU Ɔ

³ Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Zefania 2:3 ပူးပေါင်းရင်းမြစ်များ

Samuel II, 12:22

David ha mɛ heto ke, “Benɛ jokuɛ ɔ na we nɛ e gbo lolo ɔ, i ha hwɔ nɛ i fo ya; ejakaa i susu kaa, alini Yawɛ maa na mi mɔbɔ nɛ jokuɛ ɔ yi ma na wami.

La 105:4

Nyɛ hla Yawɛ se blɔ, konɛ e ha nyɛ he wami; nyɛ ja lɛ daa.

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

La 45:4

Yaa! Hii okpɔngɔ nɔ kɛ ya ye kunimi, nɛ o kɔsɔ. Yaa nɛ o ya fa anɔkuale, kɛ dami sane he! Ngɔɔ o he wami ɔ kɛ tsu nyakpɛ ní nguanguahi!

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 76:9

Mo Mawu ɔ, o gbla yayami peeli a tue, nɛ je nɛ ɔ mi ni nɛmɛ nɛ a ní ngɛ mɔbɔ ɔ, mɛɛ lɛɛ o fa a he.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Mose II, 12:27

nyɛ de mɛ ke, ‘Yawɛ Hetsɔmi ɔ bɔ sami ɔ ji nɛ ɔ nɛ; ejakaa e tsɔ Israel bi ɔmɛ a he ngɛ Egipt. E gbe Egipt bi ɔmɛ, se wɔɔ lɛɛ e ha wa yi na wami.’ ” Kɛkɛ nɛ ni ɔmɛ ma a yi si nɛ a ja Mawu.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yeremia 39:18

Ma baa o yi, nɛ nɔ ko nɔ ko be mo gbee. O maa ye o he, ejakaa o ngɔ o hɛ kɛ fɔ ye nɔ. Imi, Yawɛ lɛ i de.”

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

Ezekiel 13:5

Israel ma a gbogbo ɔ hehi nɛ ku kɛ pueɔ si ɔ, a ya bui ngɛ lejɛ ɔmɛ, nɛ a dla we nɛ a fia gbogbo ɔ kɛ wo ma a he. Lɔ ɔ he ɔ, ma a be ta a nya nyɛe maa da ngɛ Yawɛ ligbi ɔ nɔ.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Hosea 7:10

Israel ma a yeɔ fɔ kaa a wo a he nɔ kɛ si Mawu, se enɛ ɔ tsuo mi ɔ, a hla we Yawɛ, a Mawu ɔ se blɔ nɛ a kpale kɛ ba e ngɔ.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Mateo 5:5

“A gbaa ni nɛmɛ nɛ a he jɔ, ejakaa nɔ́ nɛ Mawu wo he si ɔ, a nine maa su nɔ.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

1 Tesalonikabi 4:10

nɛ niinɛ ɔ, nyɛ suɔ nyɛmimɛ ɔmɛ tsuo pɛpɛɛpɛ nɛ ngɛ Makedonia a saminya. Se wa kpa nyɛ pɛɛ nyɛmimɛ, nyɛɛ ya nɔ nɛ nyɛɛ pee pe ja po.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 3:4

Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.