Zefania 2:2 - BAIBLO ALOO NGMAMI KLƆUKLƆU Ɔ

² nɛ nyɛ ko ba ngla nɛ nyɛ gbo kaa dwɔmi nɛ Yawɛ mi mi fumi ɔ nɛ ba nyɛ nɔ, nɛ ligbi ɔ nɛ Yawɛ mi mi ma fu nyɛ ɔ nɛ e su.

Zefania 2:2 ပူးပေါင်းရင်းမြစ်များ

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 12:25

Ejakaa imi Yawɛ nitsɛ, i kɛ mɛ maa tu munyu, nɛ nɔ́ nɛ ma de ɔ maa ba mi pɛpɛɛpɛ. A be be ɔ tsɛ̃e kɛ ya se hu. Nyɛ ma tue gboli, nyɛ yi nɔ nɛ ɔ nɔuu lɛ nɔ́ nɛ i de nɛ ɔ maa ba mi. Imi, Nyɔmtsɛ Yawɛ lɛ i de.”

Hosea 13:3

Lɔ ɔ he ɔ, ma ha nɛ a hɛ mi ma kpata si kake too, nɛ a be mɛ nae hu, kaa mɔtu bɔku, loo bɔ́, loo jakati nɛ kɔɔhiɔ muɔ kɛ je ngma mi sami he, loo la su ku nɛ je la su ku tɔ mi.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Zefania 3:8

Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.