Zefania 2:14 - BAIBLO ALOO NGMAMI KLƆUKLƆU Ɔ

¹⁴ Nineve ma plɛ pee tohi kɛ pu mi lohwe slɔɔtoslɔɔtohi a hi he. Ablɛgogoe maa pee muɔ ngɛ lejɛ ɔ. Okpoku kɛ klomi maa hi hwɔe kɛ je saflɛ mi ngɛ mɔ kokoe ɔmɛ a nɔ, nɛ kuakualabite maa hi pɛe kuaakuaa ngɛ sinya tso ɔmɛ a yi mi. Seda ma kpɔ ngɛ tso ɔmɛ a he.

Zefania 2:14 ပူးပေါင်းရင်းမြစ်များ

La 102:6

I pee kaa okpoku ngɛ nga nɔ, loo klomi ngɛ we doku mi.

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Yeremia 22:14

Nɔmlɔ nɛ deɔ ke, “Ma ma mɔ nguaa kɛ e mi hiɔwe tsu agboagbohi”; kɛkɛ nɛ e jeɔ saflɛhi ngɛ tsu ɔmɛ a mi, nɛ e kaa seda tso kɛ woɔ gbogbo ɔmɛ a he, nɛ e saa we ɔ he tsopa tsu saminyayoo ɔ, musu tloo lɛ!

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Zefania 2:6

Nyɛ zugba a nɛ ngɛ wo ɔ nya a ma plɛ pee lohwe lɛmi he, nɛ a maa ma tsuhi ngɛ nɔ kɛ ha to hyɛli kɛ a tohi.

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.