Zefania 2:13 - BAIBLO ALOO NGMAMI KLƆUKLƆU Ɔ

¹³ Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Zefania 2:13 ပူးပေါင်းရင်းမြစ်များ

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 14:26

Bɔ nɛ i to ye yi mi ha je ɔ ji nɛ ɔ nɛ, nɛ i wo ye kɔni nɔ konɛ ma gbla ma amɛ a tue.”

Yesaya 37:37

Kɛkɛ nɛ Asiria matsɛ Senakerib hia kɛ je lejɛ ɔ, nɛ e kpale kɛ ho Nineve ya.

Yeremia 49:33

Hazor maa pee ma doku kɛ nga mi gbehi a hi he kɛ ya neneene. Nɔ ko nɔ ko be lejɛ ɔ hie hu. Imi, Yawɛ lɛ i de.”

Yona 1:2

“Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Yona 3:2

nɛ e de lɛ ke, “Yaa Nineve ma nguaa a mi, nɛ o ya de ni ɔmɛ sɛ nɛ i kɛ ha mo ɔ.”

Mika 5:6

A kɛ klaate maa ye Asiria bi ɔmɛ a nɔ kunimi, nɛ a ma je wɔ kɛ je Asiria bi ɔmɛ a dɛ mi, ke a ba tua wa zugba a.

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Nahum 3:15

Bɔ tsuaa bɔ nɛ pee ɔ, ja a sã mo, loo ja o nɔ ngɛ ta mi. Kaa bɔ nɛ baalɛ yeɔ ní kɛ pii si ɔ, jã a ma kpata o hɛ mi pɛsɛpɛsɛ. O fɔ babauu, nɛ o he hiɛ kaa baalɛ!

Nahum 3:7

Nɔ tsuaa nɔ nɛ maa na mo ɔ he mi maa po. E ma de ke, ‘Akuanyɛ! Nineve hɛ mi kpata pɛ! Mɛnɔ ma ba ye lɛ kɔmɔ? Mɛnɔ ma ba wo lɛ bua?’ ”

Zefania 1:4

“Ma gbla nihi nɛ ngɛ Yerusalem ma a mi, kɛ Yuda zugba a nɔ tsuo a tue. Baal jali nɛ piɛ ɔ, ma kpata mɛ tsuo a hɛ mi, nɛ nɔ ko nɔ ko be Baal wɔnɔ ɔmɛ kaie hu.