Zefania 2:10 - BAIBLO ALOO NGMAMI KLƆUKLƆU Ɔ

¹⁰ Tue gblami nɛ Moab bi ɔmɛ kɛ Amon bi ɔmɛ ma na ji nɛ ɔ nɛ; ejakaa a wo a he nɔ, nɛ a bɔ Yawɛ Tabohiatsɛ ɔ ma a ahlua.

Zefania 2:10 ပူးပေါင်းရင်းမြစ်များ

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yeremia 48:29

Moab woɔ e he nɔ tsɔ! E he womi, e nɔ buimi, kɛ bɔ nɛ e buu lɛ nitsɛ e he ha a, i le lɛ tsuo pɛpɛɛpɛ.

Zefania 2:8

Yawɛ Tabohiatsɛ ɔ ke, “Jɛmi nɛ Moab bi ɔmɛ kɛ Amon bi ɔmɛ ngɛ ye ma a jɛe, ahlua nɛ a ngɛ mɛ bɔe, kɛ a he nɔ nɛ a ngɛ woe nɛ a ngɛ dee ke a ma kpɔ a zugba a, i nu.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 9:17

Akɛnɛ o ngɛ o he nɔ woe ngɛ ye ma a nɔ kɛ mwɔɔ, nɛ o ngmɛɛ we a he nɛ a ya he je ɔ,

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Ezekiel 25:6

“Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: O fia o dɛ mi, nɛ o si si. O bui Israel zugba a, ejakaa o ngɛ e he juɛmi yaya.

Kronika I, 16:21

Se Yawɛ ngmɛ́ blɔ nɛ nɔ ko nɛ wa mɛ yi mi; e bɔ matsɛmɛ ɔmɛ kɔkɔ ngɛ a he.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 48:14

“Moab bi! Mɛni he je nyɛ deɔ ke, ‘Wɔɔ lɛɛ ta buli katsɛmɛ nɛ he biɛ ji wɔ ɔ?’

Obadia 1:11

“Benɛ he nyɛli ɔmɛ ba ywia agbo ɔmɛ ɔ, o daa si ngɛ se banee. Nihi nɛ ba muɔ Yerusalem june ɔmɛ kɛ ho nɛ a ya dla ngɔ ha a he ɔ, o ngɛ kaa mɛ pɛ.