Zefania 1:8 - BAIBLO ALOO NGMAMI KLƆUKLƆU Ɔ

⁸ Yawɛ ke, “Jamɛ a ligbi ɔ, ma gbla ma tsɔli ɔmɛ, matsɛbimɛ ɔmɛ, kɛ nihi nɛ peeɔ ma se kusumi níhi tsuo kulaa a tue.

Zefania 1:8 ပူးပေါင်းရင်းမြစ်များ

Matsɛmɛ II, 10:22

Kɛkɛ nɛ Yehu de nɔ nɛ hyɛɛ tade ɔmɛ a nɔ ɔ ke, “Je tade ɔmɛ kpo, nɛ o dla kɛ ha Baal jali ɔmɛ tsuo!”

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 2:6

Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

Yesaya 24:21

Be ma nɛ Yawɛ maa gbla hiɔwe ta a, kɛ zugba a nɔ matsɛmɛ ɔmɛ tsuo a tue.

Yesaya 39:7

A maa nuu mo nitsɛ o bimɛ ɔmɛ ekomɛ po kɛ ya Babilonia; a maa puɛ mɛ, nɛ a ma ya sɔmɔ ngɛ Babilonia matsɛ we ɔ mi.”

Habakuk 1:10

A yeɔ matsɛmɛ ɔmɛ a he fɛu, nɛ asafoatsɛmɛ ɔmɛ a he peeɔ mɛ muɔ. Mɔ nɛ he wa pi nɔ́ ko kulaa ngɛ a hɛ mi. A buaa zu nya glekugleku kɛ woɔ mɔ ɔ he, nɛ a ngɔɔ lɛ.

Mose V, 22:5

“Yo kó wo nyumu tade, nɛ nyumu hu kó wo yo tade; Yawɛ o Mawu ɔ sume nihi nɛ peeɔ jamɛ a níhi.