Zefania 1:7 - BAIBLO ALOO NGMAMI KLƆUKLƆU Ɔ

⁷ Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Zefania 1:7 ပူးပေါင်းရင်းမြစ်များ

Hiob 24:1

Mɛni he je lɛ Ope ɔ to we be nɛ a kɛ maa kojo nihi? Mɛni he je lɛ e ngɔ be ɔ kɛ laa nihi nɛ sɔmɔɔ lɛ po?

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

Yesaya 13:3

Yawɛ tsɛ e ta buli katsɛmɛ ɔmɛ, kɛ e ni klɔuklɔu ɔmɛ, konɛ a gbla ni nɛmɛ nɛ ngɛ a he nɔ woe kɛ ngɛ e mi mi la woe ɔ a tue.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 34:5

Yawɛ pee e klaate ɔ klaalo ngɛ hiɔwe, konɛ jehanɛ e kɛ gbe Edom bi ɔmɛ nɛ e de ke a ma kpata a hɛ mi ɔ.

Yesaya 34:6

E klaate ɔ he maa pee kɛ muɔ kɛ zɔ kaa jijɔhi, kɛ akpakpohi a muɔ kɛ zɔ nɛ a kɛ ngɛ bɔ sãe. Yawɛ maa sã bɔ nɛ ɔ ngɛ Bozra ma a mi; e ma pue a muɔ si nyamaa ngɛ Edom zugba a nɔ.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

Ezekiel 7:10

Hyɛ, ligbi ɔ ji nɛ ɔ nɛ! O nyagbe ɔ su! Israel, amanehlu be ɔ ba na mo. Nɔ sisimi ngɛ nɔ yae wawɛɛ kaa tso nɛ gba mɔmɔ, nɛ he womi hu nya wa kaa blɛfo nɛ je deke.

Ezekiel 7:7

Nyɛ nihi nɛ nyɛ ngɛ zugba a nɔ, be nɛ a to ha nyɛ ɔ su. Jehanɛ lɛɛ be ɔ su. A be ose hee, nɛ a be nyae ngɛ jami he ɔmɛ ngɛ yo ɔmɛ a nɔ hu; ejakaa amanehlu be ɔ su jehanɛ.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Amos 6:10

Ke nɔ nɛ gbo ɔ tsɛko, kɛ weku ɔ mi nɔ kpa ko ba nɛ a ba ngɔ gbogboe ɔ, a ma bi nɔ nɛ ya laa e he ngɛ tsu ɔ mi ke, “Anɛ nɔ ko piɛ o he ngɛ tsu ɔ mi kɛ mwɔɔ lo?” Ke nɔ ɔ he nɔ ke, “Dɛbi!” ɔ, weku no ɔ nɛ ma gbogboe ɔ ngɔmi ɔ ma de lɛ ke, “Pee dii! Wa ko wo Yawɛ biɛ ta nɛ e ba nu.”

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Zakaria 14:1

Hyɛ, be ko ma ha Yawɛ! Jamɛ a be ɔ, nyɛ níhi nɛ a ha a, a maa dla ngɛ nyɛ hɛ mi paa.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 22:4

E kpale tsɔ ni kpahi ke a ya de nihi nɛ a kpee ɔ ke, ‘I gbe niye ní ɔ nya. A gbe na, kɛ lohwe kpakpahi nɛ wo zɔ; a gbe nɔ́ tsuaa nɔ́ nya. Nyɛɛ ba yo kpeemi okplɔɔ ɔ he koo!’

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Filipibi 4:5

Nyɛ ná nɔ tsuaa nɔ he tsui. Nyɔmtsɛ ɔ su si ta.

Samuel I, 16:5

E he nɔ ke, “Ee, i ba nɛ ma ba sã bɔ ha Yawɛ. Nyɛɛ tsukɔ nyɛ he nɛ waa ho bɔ sami he ɔ ya.” E tsukɔ Ishai kɛ e binyumu ɔmɛ a he, nɛ e kpee mɛ hu kɛ ya bɔ sami he ɔ.

Samuel I, 20:26

Saul de we nɔ́ ko jamɛ a ligbi ɔ, ejakaa e de ngɛ e yi mi ke, “Be nɛ ɔ mi matahu ko ya po lɛ, nɛ e he tsɔ we.”