Zefania 1:6 - BAIBLO ALOO NGMAMI KLƆUKLƆU Ɔ

⁶ Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Zefania 1:6 ပူးပေါင်းရင်းမြစ်များ

Samuel II, 22:22

I ye Yawɛ mlaa amɛ a nɔ; i ji ye Mawu ɔ se.

Kronika II, 15:13

Nɔ tsuaa nɔ nɛ be Yawɛ, Israel Mawu ɔ jae ɔ, a maa gbe lɛ, jokuɛ jio, nɔkɔtɔma jio, nyumu jio, yo jio.

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Yesaya 43:22

Yawɛ ke, “Se mo Israel, ye he sane ba ti mo; o ja we mi hu.

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yeremia 10:25

Je ma amɛ nɛ li mo ɔ, o mi mi nɛ fu mɛ; ni nɛmɛ nɛ ja we mo ɔ, gbla a tue. A gbe o ma mi bi nɛ ji Yakob nina a; a kpata wa hɛ mi pɛsɛpɛsɛ, nɛ a pee wa zugba a kaa nga kplanaa nɔ.

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Ezekiel 3:20

“Jehanɛ, ke nɔmlɔ kpakpa kpa níhi nɛ da peemi, nɛ e ba bɔni yayami peemi, nɛ i fɔ̃ e blɔ mi tso ɔ, e ma gbo. Akɛnɛ o bɔɛ lɛ kɔkɔ ɔ, e ma gbo ngɛ e yayami ɔ he. Ma bi e muɔ si ngɛ o dɛ; kpakpa nɛ e pee ɔ tsuo, i be kaie.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Hosea 7:10

Israel ma a yeɔ fɔ kaa a wo a he nɔ kɛ si Mawu, se enɛ ɔ tsuo mi ɔ, a hla we Yawɛ, a Mawu ɔ se blɔ nɛ a kpale kɛ ba e ngɔ.

Hosea 7:7

“Benɛ a mi mi fu wawɛɛ ɔ, a gbe a ma nimeli ɔmɛ tsuo. A to nya nɛ a gbe a matsɛmɛ ɔmɛ kakaaka; nɛ mɛ hu a ti nɔ ko kpa we ngmlaa nɛ e tsɛ mi.”

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Romabi 3:11

Ní lelɔ ko be ɔ, nɔ ko nɔ ko be nɛ hlaa Mawu se blɔ.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Yoshua 23:12

Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.