Zefania 1:3 - BAIBLO ALOO NGMAMI KLƆUKLƆU Ɔ

³ nimli adesahi, pu mi lohwehi, lohwe pɛlitsɛmɛ, lohi, kɛ yiwutsotsɛmɛ tsuo pɛpɛɛpɛ. Ma kpata nimli adesahi tsuo kulaa a hɛ mi, nɛ nɔ kake ngmelu po be piɛe. Imi, Yawɛ lɛ i de.

Zefania 1:3 ပူးပေါင်းရင်းမြစ်များ

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 6:12

Ma ha a maa je zugba a nɔ kɛ ya tsitsaa he ko, nɛ zugba a tsuo nɔ maa je gu.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Ezekiel 7:19

A ma sake a sika tsu, kɛ sika hiɔ ngɔ pue gbɛjegbɛ ɔmɛ a nɔ kaa níhi nɛ a he tsɔ we. Ligbi ɔ nɛ Yawɛ we abofu maa ba ma a nɔ ɔ, a sika hiɔ, kɛ sika tsu ɔ be nyɛe ma he a yi wami; a be nyɛe maa ye kaa niye ní nɛ a tɔ, konɛ a na bua jɔmi. Ejakaa sika tsu, kɛ sika hiɔ ji níhi nɛ ha nɛ a pee yayami ɔ nɛ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Zakaria 13:2

Jamɛ a be ɔ, ma ha amaga amɛ a biɛ maa laa pɛsɛpɛsɛ, nɛ nɔ ko nɔ ko be mɛ kaie hu ngɛ zugba a nɔ. Ma je gbali ɔmɛ, kɛ mumi yayami ɔmɛ kɛ je zugba a nɔ.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Mateo 23:39

I ngɛ mo dee ke, kɛ je be nɛ ɔ mi kɛ yaa a, o be mi nae hu kɛ yaa si be nɛ o ma de ke, ‘A gbaa nɔ nɛ ma ngɛ Nyɔmtsɛ ɔ biɛ mi ɔ.’ ”

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.