Zefania 1:16 - BAIBLO ALOO NGMAMI KLƆUKLƆU Ɔ

¹⁶ Jamɛ a ligbi ɔ, ta titimatihi maa pɛ, nɛ ta buli ma he ose, nɛ a ma ba tua mahi nɛ a fia gbogbo kɛ wo a he, kɛ mɔ gagaagahi.

Zefania 1:16 ပူးပေါင်းရင်းမြစ်များ

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 32:14

Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Ezekiel 7:7

Nyɛ nihi nɛ nyɛ ngɛ zugba a nɔ, be nɛ a to ha nyɛ ɔ su. Jehanɛ lɛɛ be ɔ su. A be ose hee, nɛ a be nyae ngɛ jami he ɔmɛ ngɛ yo ɔmɛ a nɔ hu; ejakaa amanehlu be ɔ su jehanɛ.

Hosea 5:8

Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Mose V, 28:52

A ma ba tua nyɛ ngɛ ma amɛ tsuo nɛ ngɛ zugba a nɛ Yawɛ ngɛ nyɛ hae ɔ nɔ, hluu kɛ yaa si be nɛ gbogbo gojogojoo ɔmɛ nɛ nyɛ ngɔ nyɛ hɛ kɛ fɔ a nɔ ɔ tsuo maa hule pue si.

Yoshua 6:20

Kɛkɛ nɛ osɔfo ɔmɛ bɔni titimati ɔmɛ kpami. Benɛ ma a nu titimati pɛmi ɔ, a he ose wawɛɛ nitsɛ. Kɛkɛ nɛ Yeriko gbogbo ɔ hule pue si. Tabo ɔ tsuo bu kɛ sɛ ma a mi; nɔ tsuaa nɔ nyɛɛ kɛ ya e hɛ mi tɛɛ; nɛ a ya ngɔ ma a.