Zefania 1:15 - BAIBLO ALOO NGMAMI KLƆUKLƆU Ɔ

¹⁵ Jamɛ a ligbi ɔ, Mawu mi mi ma fu wawɛɛ nitsɛ; nihi a yi ma fi, nɛ a maa hao; a ma kpata níhi a hɛ mi basabasa; bɔku yumu tslitsliitsli maa wo, nɛ je ɔ mi maa pee tuu.

Zefania 1:15 ပူးပေါင်းရင်းမြစ်များ

Yesaya 13:9

Yawɛ ligbi ɔ nɛ ngɛ gbeye ɔ ma; a maa na e mi mi fumi nɛ nya wa a, kɛ e hɛdɔ ɔ. Je ɔ tsuo hɛ mi ma kpata; a ma kpata yayami peelɔ tsuaa yayami peelɔ hɛ mi.

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Zefania 2:2

nɛ nyɛ ko ba ngla nɛ nyɛ gbo kaa dwɔmi nɛ Yawɛ mi mi fumi ɔ nɛ ba nyɛ nɔ, nɛ ligbi ɔ nɛ Yawɛ mi mi ma fu nyɛ ɔ nɛ e su.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Mose V, 28:52

A ma ba tua nyɛ ngɛ ma amɛ tsuo nɛ ngɛ zugba a nɛ Yawɛ ngɛ nyɛ hae ɔ nɔ, hluu kɛ yaa si be nɛ gbogbo gojogojoo ɔmɛ nɛ nyɛ ngɔ nyɛ hɛ kɛ fɔ a nɔ ɔ tsuo maa hule pue si.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Kpojemi 6:17

Ejakaa ligbi nɛ ngɛ gbeyegbeye nɛ a maa gbla wa tue ɔ, ligbi ɔ su. Nɛ mɛnɔ ma nyɛ nya maa da?”