Zefania 1:14 - BAIBLO ALOO NGMAMI KLƆUKLƆU Ɔ

¹⁴ Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Zefania 1:14 ပူးပေါင်းရင်းမြစ်များ

Yesaya 15:4

Heshbon kɛ Eleale bi ɔmɛ wo yana nɛ a fo boboobo. A nu huhui ɔ ngɛ Yahaz tɔɔ. Sawale nu Moab ta buli ɔmɛ, nɛ a he ngɛ doe blibliibli.

Yesaya 33:7

Hyɛ bɔ nɛ katsɛmɛ ɔmɛ ngɛ ngmlaa kpae ngɛ gbɛjegbɛ ɔmɛ a nɔ ha. Hyɛ bɔ nɛ tsɔli ɔmɛ nɛ ngɛ mɔde bɔe kaa tue mi jɔmi nɛ ba a wo yana boboobo ha.

Yesaya 66:6

Nyɛɛ bu tue! Bubuubui ngɛ pɛe ngɛ ma a mi! Bubuubui ngɛ pɛe ngɛ Yawɛ we ɔ. Ngmlaa nɛ ngɛ pɛe ɔ tsɔɔ kaa Yawɛ ngɛ e he nyɛli ɔmɛ a tue gblae.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 25:36

Nyɛ wo yana nɛ nyɛ ngɛ bubuubui kpae kɛ hɛdɔ, ejakaa Yawɛ puɛ nyɛ sihi he ɔmɛ. Yawɛ kɛ abofu kpata nyɛ tue mi jɔmi ma a hɛ mi pɛsɛpɛsɛ.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Ezekiel 12:23

De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Abɛ nɛ ɔ, ma gu, nɛ a be bue hu ngɛ Israel zugba a nɔ. A na nɛ a le mohu kaa be ɔ su ta, nɛ nina amɛ tsuo kulaa maa ba mi pɛpɛɛpɛ!

Ezekiel 30:3

Ligbi ɔ su ta. Ligbi ɔ nɛ Yawɛ ma tsu nyakpɛ ní ɔ maa pee aywilɛho, kɛ amanehlu be nitsɛ kɛ ha ma amɛ.

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Yoel 3:14

A ya bua a he nya babauu, akpeakpe abɔ ngɛ Kojomi kɔ̃ ɔ mi. E be kɛe kulaa nɛ Yawɛ ligbi ɔ ma ba na mɛ ngɛ lejɛ ɔ.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Ni Tsumi 2:20

Pu maa tsɔ diblii, nɛ nyɔhiɔ ma pee tsutsuutsu kaa muɔ loko Nyɔmtsɛ ɔ ligbi nguaa nɛ ngɛ gbeye ɔ maa ba.

Filipibi 4:5

Nyɛ ná nɔ tsuaa nɔ he tsui. Nyɔmtsɛ ɔ su si ta.

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

Hebribi 12:26

Jamɛ a be ɔ mi ɔ, gbi nɛ Mawu wo ɔ ha nɛ zugba a mimiɛ; se jehanɛ lɛɛ e wo si ke, “Pi zugba a kɛkɛ nɛ ma mimiɛ si kake ekohu, se mohu ma ha nɛ hiɔwe hu ma mimiɛ kɛ piɛ he.”

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.