Zefania 1:13 - BAIBLO ALOO NGMAMI KLƆUKLƆU Ɔ

¹³ A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Zefania 1:13 ပူးပေါင်းရင်းမြစ်များ

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yeremia 15:13

Yawɛ de mi ke, “Yayami nɛ ye ma a pee ngɛ zugba a tsuo nɔ he je ɔ, ma ha nɛ he nyɛli ma ba ha a ní, kɛ a juetli kɛ je.

Yeremia 17:3

kɛ yo ɔmɛ tsuo a nɔ, ngɛ nga a nɔ. Ma ha nɛ nihi ma ba ha nyɛ sika kɛ juetli, ngɛ yayamihi nɛ nyɛ pee ngɛ zugba a nɔ tsuo ɔ he.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Kɔmɔ Yemi 5:2

Wa weto ní plɛ pee nibwɔhi a nɔ́. Wa we ɔmɛ hu ma se li lɛ ngɛ a mi.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Ezekiel 7:19

A ma sake a sika tsu, kɛ sika hiɔ ngɔ pue gbɛjegbɛ ɔmɛ a nɔ kaa níhi nɛ a he tsɔ we. Ligbi ɔ nɛ Yawɛ we abofu maa ba ma a nɔ ɔ, a sika hiɔ, kɛ sika tsu ɔ be nyɛe ma he a yi wami; a be nyɛe maa ye kaa niye ní nɛ a tɔ, konɛ a na bua jɔmi. Ejakaa sika tsu, kɛ sika hiɔ ji níhi nɛ ha nɛ a pee yayami ɔ nɛ.

Ezekiel 7:21

Yawɛ ke, “Ma ha nibwɔhi ma ba kpɔ ní nɛ ɔmɛ ngɛ nyɛ dɛ, nɛ yiwutsotsɛmɛ nɛ ngɛ zugba a nɔ maa ha ní, nɛ a ma ble zugba a.

Ezekiel 7:24

Ma ha je mahi nɛ a yi mi wa wawɛɛ ɔ maa ba, nɛ a ma ba ngɔ nyɛ we ɔmɛ. Kã peeli nɛ ngɛ nyɛ kpɛti ɔ maa je fɔ̃, nɛ he nyɛli ɔmɛ ma ba ble nyɛ he klɔuklɔu ɔmɛ.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Zefania 1:9

Nihi nɛ tuɔ kɛ haneɔ kpoku, kaa bɔ nɛ wɔ jali peeɔ, ni nɛmɛ nɛ juɔ, kɛ ni nɛmɛ nɛ gbeɔ nihi nɛ a kpɔɔ níhi ngɛ a dɛ kɛ ba woɔ a mawu jami he ɔ, ma gbla mɛ tsuo kulaa a tue.

Mose V, 28:30

“Nyɛ ma bi yo si, se nyumu kpa maa ngɔ lɛ; nyɛ maa ma tsu, se nyɛ be mi hie; nyɛ ma hu wai ngmɔ, se nyɛ be e mi wai yiblii ɔ eko yee.

Mose V, 28:39

Nyɛ maa pee wai ngmɔ, nɛ nyɛ ma gbo dengme kɛ hyɛ nɔ saminya, se nyɛ be wai yiblii ɔ kpae, nɛ nyɛ be wai ɔ hu eko nae maa nu; ejakaa gɔgɔ maa ye wai tso ɔmɛ.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.