Zefania 1:12 - BAIBLO ALOO NGMAMI KLƆUKLƆU Ɔ

¹² “Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Zefania 1:12 ပူးပေါင်းရင်းမြစ်များ

Hiob 21:15

A biɔ ke, “Mɛnɔ ji Ope ɔ nɛ saa kaa wa sɔmɔɔ lɛ ɔ? Ke wa fa kue ha lɛ ɔ, mɛni se wa ma na?”

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

La 14:1

Kuasiahi a susumi ji, “Mawu ko be.” Mɛ tsuo a puɛ; ní yayamihi sɔuu lɛ a peeɔ; nɔ ko nɔ ko be nɛ peeɔ nɔ́ nɛ da.

La 94:7

Nɔ́ nɛ a deɔ ji, “Oo, Yawɛ tsa nɛ wɔ! Israel Mawu ɔ hyɛ we!”

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Yeremia 10:5

Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yeremia 48:11

Bɔ nɛ Yawɛ de ji nɛ ɔ nɛ: “Moab he mi jɔ lɛ kɛ je sa, nɛ a ngɔɛ lɛ kɛ yɛ ma se hyɛ. Moab ngɛ kaa wai atiati nɛ a si ngɛ tɔ mi kɛ ma si, nɛ a plɛ we kɛ wui tɔ kpa mi. Bɔ nɛ e ngɛ sa a, ja ko e ngɛ; e nya nyu gbo we, nɛ e puɛ we hulɔ.

Ezekiel 8:12

Mawu bi mi ke, “Nɔmlɔ adesa, tse o na nɔ́ nɛ Israel ma nimeli ɔmɛ ngɛ pee ngɛ diblii mi! Tse o na nɔ́ nɛ nɔ tsuaa nɔ ngɛ tsue ngɛ lɛ nitsɛ e we amaga jami he. Se nɔ́ nɛ a ngɛ dee ji, ‘Yawɛ nɛ wɔ! Yawɛ si e zugba a ngɔ fɔ si.’ ”

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Obadia 1:6

Esau nina, a ha o june.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.