Zefania 1:11 - BAIBLO ALOO NGMAMI KLƆUKLƆU Ɔ

¹¹ Nyɛ nihi nɛ nyɛ ngɛ Yerusalem dɔ ɔ si je ɔ, ke nyɛ nu ní nɛ ɔmɛ a he ɔ, nyɛɛ wo yana nɛ nyɛ nya awe. Ejakaa nyɛ jua yeli ɔmɛ tsuo a yi ta!

Zefania 1:11 ပူးပေါင်းရင်းမြစ်များ

Hiob 27:16

Yayami peelɔ ma bua sika hiɔ babauu nya kaa bunyuku nɛ be hie kanemi; e ma bua he hami níhi babauu nya kaa tabo zu.

Hiob 27:17

Se nɔmlɔ kpakpa ko lɛ ma ba ha bo ɔmɛ; nɔ kpakpa ko lɛ ma ba wo tade ɔmɛ, nɛ e maa ngɔ sika hiɔ ɔ.

Yeremia 25:34

Nyɛ ma nɔ yeli nɛ nyɛ hyɛɛ ye ma a nɔ, nyɛɛ wo yana nɛ nyɛ kpa bubuubui! Nyɛɛ ye kɔmɔ, nɛ nyɛɛ ngɔ nyɛ he kɛ wuwlua si ngɛ la zu mi; ejakaa ligbi ɔ nɛ a maa gbe nyɛ ɔ su. A ma tsɔtslɔɔ nyɛ mi kaa bɔ nɛ a tsɔtslɔɔ agbosu mi.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Ezekiel 21:12

Nɔmlɔ adesa, moo wo ya, nɛ o ye kɔmɔ, ejakaa a ma kpata ye ma a hɛ mi; a ma kpata Israel ganɔ ɔmɛ tsuo a hɛ mi! A kɛ klaate maa gbe mɛ, kɛ ma a mi bi ɔmɛ tsuo; lɔ ɔ he ɔ, ngɔɔ o nine kɛ kpla o yi, nɛ o ye kɔmɔ!

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:5

Nyɛ dã deli, nyɛ hɛ nɛ tsɛ, nɛ nyɛɛ wo yana; nyɛ wai dɔkɔdɔkɔ nuli, nyɛ nya awe; ejakaa a je nɔ́ ngɛ nyɛ nya mi.

Zefania 2:5

Nyɛ Filisti bi nɛ nyɛ ngɛ wo nya, kɛ nyɛ ni nɛmɛ nɛ nyɛ ngɛ Kanaan zugba a nɔ, musu tloo nyɛ! Yawɛ bu nyɛ hu fɔ. Yawɛ ma kpata nyɛ hɛ mi, nɛ nyɛ ti nɔ kake ngmelu po he be mi jee.

Zakaria 14:21

Buɛhi tsuo nɛ ngɛ Yerusalem, kɛ Yuda zugba a nɔ ɔ maa pee klɔuklɔu ha Yawɛ Tabohiatsɛ ɔ. Nihi nɛ ma ba sã bɔ ɔ, ma ba ngɔ buɛ nɛ ɔmɛ, nɛ a maa hoo lohwe nɛ a kɛ sã bɔ ɔ ngɛ mi. Jamɛ a be ɔ, jua yelɔ ko jua yelɔ ko be Yawɛ, Tabohiatsɛ ɔ we ɔ mi hie hu.

Yohane 2:16

Nihi nɛ ngɛ lahuɛhi juae ɔ, e de mɛ ke, “Nyɛ je ní nɛ ɔmɛ kɛ je hiɛ ɔ esɔ! Tsaatsɛ we ɔ, nyɛ ko ngɔ kɛ pee jua nɔ.”

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!