Zefania 1:10 - BAIBLO ALOO NGMAMI KLƆUKLƆU Ɔ

¹⁰ “Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Zefania 1:10 ပူးပေါင်းရင်းမြစ်များ

Samuel II, 5:7

Se kɛ̃ David ya ngɔ Zion mɔ nguaa a nɛ ba plɛ pee David ma a.

Samuel II, 5:9

David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.

Matsɛmɛ II, 22:14

Osɔfo Hilkia, Ahikam, Akbor, Shafan, kɛ Asaya pue nɔ kɛ ho Yerusalem ma he ɔ mi ya ya bi ní ngɛ gbalɔyo Hulda ngɔ. (Hulda nɛ ɔ, sɔlemi we ɔ tadehi a nɔ hyɛlɔ Harhas binyumu Tikva hu binyumu Shalum yo ji lɛ.) Benɛ a ya bɔ gbalɔyo ɔ nɔ́ nɛ ba a,

Kronika II, 3:1

Jehanɛ, Salomo je Yawɛ we ɔ mami sisi ngɛ Yerusalem, ngɛ Moria yo ɔ nɔ, he nɛ Yawɛ je e he kpo ngɔ tsɔɔ e tsɛ David ngɛ ɔ. Lejɛ ɔ ji Yebus no ɔ nɛ a tsɛɛ lɛ Arauna a ngma mi sami he. Matsɛ David ji nɔ nɛ hla lejɛ ɔ kɛ to kɛ ha we ɔ pomi.

Kronika II, 32:22

Bɔ nɛ Yawɛ pee kɛ kpɔ Matsɛ Hezekia, kɛ Yerusalem ma mi bi ɔmɛ kɛ je Asiria matsɛ, Senakerib, kɛ a he nyɛli kpa amɛ a dɛ mi ji nɛ ɔ nɛ. Yawɛ ha nɛ Hezekia kɛ e ma a, kɛ ma amɛ nɛ bɔle mɛ ɔ hi si ngɛ tue mi jɔmi mi.

Kronika II, 33:14

Ní nɛ ɔmɛ a se ɔ, Manase fia gbogbo enyɔne ɔ ngɛ David ma a we beleku je ɔ nɔ kɛ ya hiɔwe. E fia nɔ kɛ je kɔ̃ ɔ mi ngɛ Gihon pa a kasa nya ngɛ omleyi je kɛ ya si lo agbo ɔ nya, hluu kɛ ya bɔle ma a nɛ a tsɛɛ Ofel ɔ. Jehanɛ hu, e ngɔ tatsɛmɛ ngɔ to Yuda mahi nɛ a fia gbogbo ngɔ wo a he ɔ tsuo a mi.

Kronika II, 34:22

Kɛkɛ nɛ Hilkia, kɛ nihi nɛ matsɛ ɔ tsɔ ɔ pue nɔ kɛ ho nɛ a ya bi gbalɔyo ɔ nɛ a tsɛɛ lɛ Hulda a ní ngɛ Yerusalem ma he ɔ mi he nɛ e hii ɔ. Hulda huno ji Tikva bi Shalum, Harhas bibi ɔ; nɛ Shalum nɛ ɔ ji nɔ nɛ hyɛɛ tadehi a nɔ ngɛ Yawɛ we ɔ. Osɔfo Hilkia kɛ tsɔli ɔmɛ ngɔ matsɛ ɔ sɛ gbi ɔ ya ha gbalɔyo ɔ.

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Nehemia 3:3

Hasenaa binyumu ɔmɛ ma Lo Agbo ɔ, nɛ a kɛ tso sɛu nɔ, nɛ a ma sinya amɛ, nɛ a dadehi kɛ a se lami níhi wo a nya.

Yesaya 59:11

Wɔ tsuo wa yeɔ gbeye, nɛ wa ní peeɔ mɔbɔ. Wa hyɛɛ Mawu blɔ kaa e ma ba he wa yi wami kɛ je pimi kɛ amimi mi, se lɛ tsuo peeɔ yaka.

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Ezekiel 6:13

A maa na nihi nɛ a kpata a hɛ mi ɔ a gbogboe ɔmɛ nɛ pueɔ si ngɛ amaga amɛ, kɛ bɔ sami la tɛ ɔmɛ a he tsuo kɛ kpe. A maa na gbogboe ɔmɛ ngɛ yokuhi nɛ ya hiɔwe, kɛ yohi tsuo a yi mi. A maa na mɛ ngɛ tsohi tsuo nɛ bɔ kusuu, kɛ tso ngua amɛ a sisi. Hehi tsuo nɛ a sãã bɔ nɛ jeɔ via ngɛ kɛ haa a we amaga amɛ hu a maa na a gbogboe ɔmɛ nɛ pueɔ si ngɛ lejɛ ɔmɛ ja nɔuu. Lɔ ɔ loko nyɛ ma na maa le kaa imi ji Yawɛ.

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Zefania 1:15

Jamɛ a ligbi ɔ, Mawu mi mi ma fu wawɛɛ nitsɛ; nihi a yi ma fi, nɛ a maa hao; a ma kpata níhi a hɛ mi basabasa; bɔku yumu tslitsliitsli maa wo, nɛ je ɔ mi maa pee tuu.

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.