Zefania 1:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ Yawɛ ngɔ kɛ ha Zefania, be mi nɛ Amon bi Yosia ngɛ matsɛ yee ngɛ Yuda ma a nɔ ji nɛ ɔ nɛ. Zefania tsɛ ji Kush, nɛ e nɛmɛ ji Gedalia, Amaria, kɛ Hezekia.

Zefania 1:1 ပူးပေါင်းရင်းမြစ်များ

Matsɛmɛ II, 21:18

Manase ba gbo, nɛ a pu lɛ ngɛ Uza abɔɔ ɔ mi ngɛ matsɛ we ɔ; nɛ e binyumu Amon ba ye matsɛ ngɛ e se.

Matsɛmɛ II, 21:26

A pu Amon ngɛ e yɔkɔ ɔ mi ngɛ Uza abɔɔ ɔ mi; nɛ e binyumu Yosia ba ye matsɛ ngɛ e se.

Kronika II, 33:20

Manase ba gbo, nɛ a pu lɛ ngɛ matsɛ we ɔ mi, nɛ e bi Amon ba ye matsɛ ngɛ e se.

Yeremia 1:2

Yuda matsɛ Yosia, Amon binyumu ɔ yi nɔ jeha nyɔngma kɛ etɛne ɔ mi ɔ, Yawɛ kɛ Yeremia tu munyu.

Yeremia 22:11

Yosia binyumu Yoahaz nɛ ba ye e tsɛ se kaa Yuda matsɛ ɔ, bɔ nɛ Yawɛ de ngɛ e he ji nɛ ɔ nɛ: “Nɛ a kɛ lɛ yaa nɛ ɔ, e be kpalee kɛ ba hiɛmɛ nɛ ɔ hu gblegbleegble.

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Ezekiel 1:3

Yawɛ tu munyu, nɛ i nu. Yawɛ he wami ba ye nɔ ngɛ Kebar pa a nya ngɛ Babilonia.

Hosea 1:1

Yawɛ ha Beeri bi Hosea sɛ gbi nɛ ɔ ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ. Jamɛ a be ɔ, Yohoash bi Yeroboam ngɛ tsɛ yee ngɛ Israel.

2 Timoteo 3:16

Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.