Zakaria 9:9 - BAIBLO ALOO NGMAMI KLƆUKLƆU Ɔ

⁹ Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Zakaria 9:9 ပူးပေါင်းရင်းမြစ်များ

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 30:6

Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Yesaya 43:11

“Imi nɔ kake pɛ ji Yawɛ, imi pɛ ji nɔ nɛ ma nyɛ ma he o yi wami.

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Ezekiel 21:32

A kɛ la maa sã nyɛ. A ma pue nyɛ muɔ si ngɛ nyɛ nitsɛmɛ nyɛ zugba nɔ, nɛ nɔ ko nɔ ko be nyɛ kaie gblegbleegble.’ ” Yawɛ lɛ de.

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Mika 4:8

Nɛ mo Yerusalem, he nɛ Mawu hii nɛ e kɛ hyɛɛ e ma a nɔ kaa to hyɛlɔ ɔ, o he wami kɛ o blɔ nya nɛ o hɛɛ kaa matsɛ ma a, o maa kpale na ekohu. Mawu lɛ de.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Zakaria 2:10

Yawɛ ke, “Yerusalem bi, nyɛ la nɛ nyɛ bua nɛ jɔ; ejakaa i ma nɛ i kɛ nyɛ ba hi si.”

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Marko 11:7

Benɛ a ngɔ teji ɔ kɛ ba Yesu ngɔ ɔ, a ngɔ tadehi ngɔ pue e nɔ, nɛ Yesu kuɔ nɛ ɛ hi nɔ.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Manyadali 10:4

E ngɛ binyumuhi nyingmi etɛ nɛ a hii teji nyingmi etɛ a nɔ. Jehanɛ, a ngɛ ma nyingmi etɛ ngɛ Gilead zugba a nɔ; nɛ kɛ ba si mwɔnɛ ligbi nɛ ɔ, biɛ nɛ a kɛ tsɛɔ ma amɛ ji Yair kɔpehi.