Zakaria 9:8 - BAIBLO ALOO NGMAMI KLƆUKLƆU Ɔ

⁸ Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.

Zakaria 9:8 ပူးပေါင်းရင်းမြစ်များ

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yesaya 60:18

A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Amos 9:15

Ma to nyɛ si ngɛ zugba a nɛ i ngɔ kɛ ha nyɛ ɔ nɔ. Nɛ i be hae nɛ nɔ ko ba je nyɛ kɛ je lejɛ ɔ hu.” Yawɛ, nyɛ Mawu ɔ lɛ de.

Ezekiel 39:29

Ma ngɔ ye mumi kɛ pue Israel ma a nɔ, nɛ i be mɛ kuae hu. Imi, Nyɔmtsɛ Yawɛ lɛ i de.”

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Yesaya 31:5

Bɔ nɛ lohwe pɛlitsɛ tee kɛ bɔleɔ e tsu kɛ buu e bimɛ a he ɔ, ja imi, Yawɛ Tabohiatsɛ ɔ ma bu Yerusalem he, nɛ ma fa e he.”

La 72:4

Matsɛ ɔ nɛ ye ohiatsɛmɛ a sane ha mɛ. E piɛ dɛgutsɛmɛ a he, se yiwutsotsɛmɛ lɛɛ e kɛ mɛ nɛ to ní.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Samuel II, 16:12

Eko ɔ, Yawɛ maa hyɛ ye nɔ́ nami ɔ, nɛ e kɛ kpakpa maa to ahlua nɛ a ngɛ mi bɔe mwɔnɛ ɔ nane mi ha mi.”

Mose II, 3:9

Niinɛ, i nu Israel bi ɔmɛ a ya fomi ɔ, nɛ i na bɔ nɛ Egipt bi ɔmɛ ngɛ mɛ yi mi wae ha.

Kpojemi 20:9

A gbɛ fĩa je ɔ mi tsuo. Nɛ ma nɛ Mawu suɔ, nɛ ni klɔuklɔu ɔmɛ pueɔ si ngɛ lejɛ ɔ, a ya sa e yi. Se la je hiɔwe ba kpata a hɛ mi.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Zakaria 14:11

Nimli maa kpale ba hi Yerusalem, ejakaa gbiɛmi nɛ a gbiɛ mɛ ɔ se maa po. Tue mi jɔmi maa ba Yerusalem.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Yeremia 46:13

Benɛ Babilonia matsɛ, Nebukadnezar ma nɛ e ba tua Egipt ɔ, Yawɛ kɛ mi tu munyu. Yawɛ de mi ke,

Yeremia 46:2

e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Zakaria 9:7

Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.

Matsɛmɛ II, 19:34

Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Abɛ Womi 3:25

Haomihi nɛ baa yiwutsotsɛmɛ a nɔ tlukaa kaa kɔɔhiɔ nɛ nya wa a, lɔ ɔmɛ be o he gbeye woe.

Zakaria 12:4

Jamɛ a be ɔ, ma ha gbeye maa nu okpɔngɔ ɔmɛ tsuo, nɛ okpɔngɔ nɔ hili ɔmɛ maa nu godo. Ma bu Yuda ma a he, se a he nyɛli ɔmɛ a we okpɔngɔ ɔmɛ lɛɛ ma ha a hɛ ma yu.