Zakaria 9:7 - BAIBLO ALOO NGMAMI KLƆUKLƆU Ɔ

⁷ Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.

Zakaria 9:7 ပူးပေါင်းရင်းမြစ်များ

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Amos 3:12

Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”

Yeremia 49:39

Se pee se ɔ, ma ha nɛ Elam bi ɔmɛ ma ba na a he ekohu. Imi, Yawɛ lɛ i de.”

Yeremia 49:6

“Se pee se ɔ, ma ha nɛ Amon ma ba na e he ekohu. Imi, Yawɛ lɛ i de.”

Yeremia 48:47

Se be ma nɛ Yawɛ ma ha nɛ Moab maa bɔ ekohu. Nɔ́ nɛ Yawɛ de to ke e maa ba Moab nɔ ɔ, lɔ ɔ ji nɛ ɔ nɛ.

La 58:6

Yawɛ Mawu, nimli nɛ ɔmɛ ngɛ kaa jata awi yeli pɛ; ku a nya mi lungu ɔmɛ tsuo ngɔ pue he.

La 3:7

Yawɛ, ye Mawu, ba he ye yi wami koo! Ejakaa mo lɛ o ma nyɛ maa fia ye he nyɛli ɔmɛ tsuo ní. Mo lɛ o ma nyɛ maa gbla a tue nɛ a be nyɛe maa pee mi nɔ́ ko.

Kronika I, 21:15

Jehanɛ, e tsɔ e bɔfo ɔ, konɛ e ya kpata Yerusalem hɛ mi. Se benɛ bɔfo ɔ miɔ nɛ e ma puɛ ní ɔ, Yawɛ tsake e yi mi tomi ɔ, nɛ e de bɔfo ɔ ke, “Mo kpa! E hiɛ!” Jamɛ a be ɔ mi ɔ, Yawɛ bɔfo ɔ daa si ngɛ Yebus no ɔ nɛ a tsɛɛ lɛ Arauna a ngma mi sami he ɔ.

Zakaria 9:6

Nimli tsakatsaka ma ba hi Ashdod ma a mi, nɛ Filistia he nɔ womi ɔ se maa po.

Zakaria 9:8

Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.

Kronika I, 1:14

nɛ e nina ji Yebus bi, Amor bi, Girgash bi,

Yesaya 65:4

nyɔ mi tsuo a hii yɔkɔhi a mi, kɛ hehi nɛ e sɛ́ nɛ a na mɛ ngɛ; kpotoo lo pohu a yeɔ, kɛ flɔɔ nɛ a ngɔ níhi nɛ a hiee kɛ pee ngɛ a tsesihi a mi.