Zakaria 9:6 - BAIBLO ALOO NGMAMI KLƆUKLƆU Ɔ

⁶ Nimli tsakatsaka ma ba hi Ashdod ma a mi, nɛ Filistia he nɔ womi ɔ se maa po.

Zakaria 9:6 ပူးပေါင်းရင်းမြစ်များ

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Zefania 2:10

Tue gblami nɛ Moab bi ɔmɛ kɛ Amon bi ɔmɛ ma na ji nɛ ɔ nɛ; ejakaa a wo a he nɔ, nɛ a bɔ Yawɛ Tabohiatsɛ ɔ ma a ahlua.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Fiɛlɔ 6:2

Mawu ma ha nɔ ko sika, kɛ ní babauu, hɛ mi nyami, kɛ nɔ́ tsuaa nɔ́ nɛ nɔ ɔ tsui suɔ. Se e ha we lɛ he wami nɛ e kɛ ye ngɔɔmi ɔ, nɛ nɔ kpa mohu ma ba ye. Nɔ́ nɛ ɔ ji yaka dengme gbomi, kɛ he hiami.

Yeremia 47:1

Loko Egipt matsɛ ɔ ya tua Filistia a, Yawɛ kɛ mi tu munyu nɛ kɔɔ Filistia he.

Zefania 2:4

Nɔ ko nɔ ko be piɛe ngɛ Gaza ma a mi. Ashkelon ma a maa pee ma doku. Piani katakata a, a maa fie Ashdod bi ɔmɛ kpatakpata kɛ maa je a ma a mi. Ekron ma a hu, a maa pee lɛ butuu.

Zakaria 9:5

Ashkelon maa na nɔ́ nɛ ɔ, nɛ e maa ye gbeye. Gaza hu maa na, nɛ e ma kokloo si. Ekron hu ja nɔuu, ejakaa e hɛ kɛ nɔ fɔmi tsuo ta. Gaza matsɛ ɔ hɛ mi ma kpata, nɛ Ashkelon maa pee ma doku.

Zakaria 9:7

Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.