Zakaria 9:4 - BAIBLO ALOO NGMAMI KLƆUKLƆU Ɔ

⁴ Se Nyɔmtsɛ ɔ ma kpɔ ní tsuo nɛ Tiro na a ngɛ e dɛ. Nyɔmtsɛ ɔ ma sake ní nɛ e na kpɔtɔɔ ɔ ngɔ pue wo mi, nɛ la maa sã ma a.

Zakaria 9:4 ပူးပေါင်းရင်းမြစ်များ

Abɛ Womi 10:2

Ke o gu blɔ yaya nɔ kɛ na ní ɔ, e he be se nami bae ha mo. Se ke o ye anɔkuale ɔ, o yi ma na wami.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Yesaya 23:11

Yawɛ kɛ e he wami kpata nɔ yemi ɔmɛ a hɛ mi ngɛ wo se tsitsaa lokoo. Yawɛ nɛ ku Sidon mɔ ɔmɛ.

Ezekiel 26:17

A ma la mɔbɔ la kɛ nyɛ ya ha mo kikɛ nɛ ɔ: Mo ma nɛ o he biɛ kaa wo nya ma nɛ he wa, a kpata o hɛ mi pɛsɛpɛsɛ kɛ je wo ɔ nɔ! Jinɛ o kɛ o mi bi nyɛ he ngɛ gbeye ngɛ wo ɔmɛ a nɔ; nyɛ haa sawale nuu wo nya ma amɛ tsuo!

Ezekiel 28:16

Be nɛ jua yemi ba ngɛ nɔ yae ɔ, amimi yemi hu ba hyi o mi tɔ, nɛ o pee yayami. Lɔ ɔ he ɔ, i ha o je ye yo klɔuklɔu ɔ nɔ; nɛ Mawu bɔfo nɛ bu o he ɔ fie mo kɛ je tɛ ɔmɛ nɛ ngɛ kpɛe kɛ la nylamnylam ɔ a kpɛti.

Ezekiel 28:18

O pee yayami babauu ngɛ o jua yemi ɔ mi, nɛ o kɛ nɔ́ nɛ ɔ ble hehi nɛ o ya jaa Mawu ngɛ ɔ. Enɛ ɔ he ɔ, i mɛ o he la, nɛ i sã mo pioo, nɛ o pee la zu ngɛ nihi tsuo a hɛ mi.

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

Ezekiel 28:8

A maa gbe mo, nɛ a ma sake mo ngɔ fɔ gbeje ngɛ wo ɔ sisi tɔɔ.

Yoel 3:8

Ma ha a maa jua nyɛ binyumu ɔmɛ, kɛ nyɛ biyi ɔmɛ kɛ ha Yuda bi ɔmɛ; nɛ mɛ hu a ma ya jua mɛ kɛ ha Sabea bi ɔmɛ ngɛ ma se tsitsaa. Imi, Yawɛ lɛ i de.

Amos 1:10

Ma mɛ Tiro gbogbo ɔmɛ, kɛ mɔ ɔmɛ a he la.”

Zakaria 9:5

Ashkelon maa na nɔ́ nɛ ɔ, nɛ e maa ye gbeye. Gaza hu maa na, nɛ e ma kokloo si. Ekron hu ja nɔuu, ejakaa e hɛ kɛ nɔ fɔmi tsuo ta. Gaza matsɛ ɔ hɛ mi ma kpata, nɛ Ashkelon maa pee ma doku.