Zakaria 9:3 - BAIBLO ALOO NGMAMI KLƆUKLƆU Ɔ

³ Tiro fia gbogbo kɛ wo e he kulaa kɛ kpe; e bua sika hiɔ nya glekugleku kaa zu, nɛ e sika tsu hu hiɛ kaa kuku nɔ dwɔmi.

Zakaria 9:3 ပူးပေါင်းရင်းမြစ်များ

Ezekiel 27:33

Benɛ o guɛ ní ɔmɛ yaa ma se tsitsaa a, o haa ma amɛ tɔɔ kɛ ní kpakpahi. Matsɛmɛ ná a he kɛ je o ní nami ɔ mi.

Hiob 27:16

Yayami peelɔ ma bua sika hiɔ babauu nya kaa bunyuku nɛ be hie kanemi; e ma bua he hami níhi babauu nya kaa tabo zu.

Samuel II, 24:7

A nyɛɛ hluu kɛ ya su Tiro ma a nɛ a fia gbogbo kɛ bɔle lɛ ɔ, kɛ Hiv bi, kɛ Kanaan bi a ma amɛ tsuo a mi. Nyagbe ɔ, a ya su Beersheba, ngɛ Yuda leneyi je.

Yoshua 19:29

Jehanɛ, huzu ɔ lɔgɔ kɛ gu Rama, nɛ e ya su Tiro, ma nɛ a fia gbogbo kɛ wo he ɔ. Huzu ɔ dɔ kɛ ho Hosa ya, nɛ e nya ya ta ngɛ Mediterenia wo ɔ nya. Ma nɛ ɔmɛ hu piɛ he: Mahalab, Akzib,

Yesaya 23:8

Mɛnɔ nɛ to ga kaa ní nɛ ɔmɛ tsuo nɛ ba Tiro nɔ ɔ? Tiro, matsɛ ma nguaa kɛ e mi jua yeli kpanakpanaa nɛ ji ganɔhi nɛ a hɛ mi ngɛ nyami saminya ngɛ je ɔ mi tsuo ɔ, mɛnɔ ha nɛ nɔ́ nɛ ɔ ba e nɔ ɔ?

Hiob 22:24

Mo sake o sika tsu ngɔ fɔ he; o sika tsu kpakpa a, hɛɛ ngɔ pue pa mi, ngɛ tɛhi a kpɛ.

Matsɛmɛ I, 10:27

Salomo yi nɔ ɔ, a pee we sika hiɔ, kɛ seda he nɔ́ ko ngɛ Yerusalem; sika hiɔ ngɛ kaa tɛ, nɛ seda tso hu pɔ he kaa bɔ nɛ sikamore tso pɔ he ngɛ Yuda kɔ̃ ɔmɛ a mi.

Matsɛmɛ I, 10:21

Sika tsu a kɛ pee Matsɛ Salomo nyu numi kpluhi tsuo. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Yesaya 23:11

Yawɛ kɛ e he wami kpata nɔ yemi ɔmɛ a hɛ mi ngɛ wo se tsitsaa lokoo. Yawɛ nɛ ku Sidon mɔ ɔmɛ.

Ezekiel 26:12

O he nyɛli ɔmɛ ma kpɔ ní nɛ o ná a ngɛ o dɛ, nɛ a maa ha o guɛ ní. A maa ku o gbogbo ɔmɛ kɛ, o we saminyawiiwi ɔmɛ. A maa muɔ tɛ ɔmɛ kɛ tso ɔmɛ, kɛ zu ɔ tsuo kɛ ya pue wo mi.

Ezekiel 27:34

Jehanɛ lɛɛ o hɛ mi kpata ngɛ wo ɔ mi, o mu kɛ ho wo ɔ sisi tɔɔ ya. O kɛ o lɛ mi bi ɔmɛ, kɛ o guɛ ní ɔmɛ tsuo mu kɛ ho nyu ɔ sisi ya.’

Hiob 3:15

Jinɛ i kɛ ganɔhi nɛ bua sika tsu kɛ sika hiɔ nya tɔtɔɔtɔ ngɛ a wehi a mi ɔ hwɔɔ si mwɔnɛ ɔ.

Ezekiel 27:27

Tlukaa a, ligbi kake too ɔ, o hɛ mi kpata pɛsɛpɛsɛ. Ní babauu nɛ o na a tsuo hɛ mi kpata: guɛ ní wawi, kɛ nguangua amɛ tsuo laa. Jã kɛ̃ nɛ o lɛ mi bi, kɛ kudɔɔ nuli, nihi nɛ tsiɔ lɛ ɔ mi puɔhi, o jua yeli, kɛ o ta buli tsuo, nimli babauu nɛ ngɛ o mi ɔ, mɛ tsuo a mu ngɛ wo ɔ kpɛti; a ya su wo ɔ sisi tɔɔ.

Ezekiel 28:1

Yawɛ kɛ mi tu munyu ekohu. E de mi ke,

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.