Zakaria 9:2 - BAIBLO ALOO NGMAMI KLƆUKLƆU Ɔ

² Jã kɛ̃ a maa pee Hamat nɛ e kɛ Hadrak wo huzu ɔ. Tiro kɛ Sidon ma amɛ nɛ le ní kaa nɔ́ ko ɔ, mɛ hu ja nɔuu.

Zakaria 9:2 ပူးပေါင်းရင်းမြစ်များ

Matsɛmɛ I, 17:9

“Jehanɛ lɛɛ, yaa Zarefat nɛ ngɛ Sidon kasa nya a, nɛ o ya hi lejɛ ɔ. I fa yalɔyo ko nɛ ngɛ lejɛ ɔ ke e hyɛ o nɔ.”

Matsɛmɛ II, 23:33

Egipt matsɛ, Neko wo lɛ tsu ngɛ Ribla, ngɛ Hamat zugba a nɔ, nɛ e tsu tó sika hiɔ kilo akpe etɛ kɛ e nya lafa eywiɛ, kɛ sika tsu kilo nyingmi etɛ kɛ eywiɛ ngɛ Yuda dɛ. Nɔ́ nɛ ɔ ha nɛ Yoahaz matsɛ yemi ɔ se po.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Yeremia 47:4

Be ɔ su nɛ a ma kpata Filisti bi ɔmɛ, kɛ a huɛmɛ ɔmɛ tsuo nɛ piɛ ɔ, Tiro, kɛ Sidon a hɛ mi. Imi, Yawɛ nitsɛ ma kpata Filisti bi ɔmɛ, ni nɛmɛ tsuo nɛ je Kreta wo ɔ nya kɛ ba a a hɛ mi.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Ezekiel 27:1

Yawɛ kɛ mi tu munyu, nɛ e de mi ke,

Ezekiel 28:1

Yawɛ kɛ mi tu munyu ekohu. E de mi ke,

Ezekiel 28:12

“Nɔmlɔ adesa, la hɛdo la ko kɛ nyɛ ya ha Tiro matsɛ ɔ ngɛ nɔ́ nɛ maa ba e nɔ ɔ he. De lɛ nɔ́ nɛ imi Nyɔmtsɛ Yawɛ, i ngɛ dee ɔ: Be ko nɛ be ɔ, ke a ke nɔ ko hi kɛ pi si ɔ, lɛɛ mo ji nɔ hyɛmi nɔ́; o nile mi kuɔ, nɛ o he ngɛ fɛu saminya!

Ezekiel 47:16

kɛ ya na Berota kɛ Sibraim ma amɛ nɛ ngɛ Damasko kɛ Hamat huzu ɔmɛ a kpɛti ɔ, kɛ ya na Tikon nɛ ngɛ Hauran huzu ɔ nya a.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Amos 6:14

Se Yawɛ Tabohiatsɛ Mawu ɔ nitsɛ ke, “Israel bi, ma ha nɛ je ma ko ma ba tua nyɛ zugba a, nɛ a maa hao nyɛ. A maa ngɔ nyɛ zugba a kɛ maa je Hamat yo kpɛ blɔ ɔ he, ngɛ omleyi je, kɛ ma ya ta Ngo wo ɔ he, ngɛ leneyi je.”

Obadia 1:20

“Israel bi nɛ a nuu kɛ ho ɔ maa kpale ba ngɔ Kanaan bi a zugba a kɛ yaa si Zarefat. Ni nɛmɛ nɛ a nuu kɛ je Yerusalem kɛ ho Sefarad ya a maa ngɔ Yuda leneyi je ma amɛ.

Mose IV, 13:21

Nyumu ɔmɛ pue nɔ kɛ ho, nɛ a ya slaa zugba a, kɛ je Zin nga a nɔ kɛ ya si Rehob, he nɛ a guu kɛ yaa Hamat ɔ.