Zakaria 9:17 - BAIBLO ALOO NGMAMI KLƆUKLƆU Ɔ

¹⁷ E dɛ mi nɛ kpakpa kɛ afɛu tsuo je; nihewi a blɛfo maa ba saminya; yihewi maa nga wai he bɔ nɛ sa, nɛ mɛ tsuo a ma plɔke.

Zakaria 9:17 ပူးပေါင်းရင်းမြစ်များ

Yesaya 33:17

Nyɛ ma ná matsɛ ko nɛ maa ye tsɛ saminyayoo ngɛ zugba a gbo tɛtlɛɛ ko nɔ ekohu.

Lahi 7:9

Ke a fiɔ o nya he ɔ, é ngɔ kaa wai kpakpa. Ke e ngɛ ja a, lɛɛ ha nɛ wai ɔ ya su ye suɔlɔ ɔ, nɛ e nu bɔ nɛ e ma nyɛ.

Lahi 5:10

Ye suɔlɔ ɔ he ngɛ fɛu saminya, nɛ e he wa hulɔ. Ke a kane nyumuhi akpe nyɔngma loko a ma na e nɔ nɔ kake.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

La 45:2

O he ngɛ fɛu pe nɔ tsuaa nɔ. O nya mi tsɔ kɛ munyu tumi. Mawu gbaa mo kɛ yaa neneene.

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

La 145:7

A ma de ke o mi mi hi saminya. A ma la boboobo ke daa nɛ ɔ, nɔ́ nɛ da pɛ o peeɔ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

Yeremia 31:14

Ma ha nɛ osɔfo ɔmɛ maa ye ní kpakpahi nɛ a maa tɔ; ye ma a hu maa ye nɛ a maa tɔ. Imi, Yawɛ lɛ i de.”

La 144:12

Ha nɛ wa binyumuhi nɛ ngɛ nihe mi ɔ, a he nɛ wa kaa tso nɛ maa si saminya. Ha nɛ wa biyihi nɛ a pee kaa tɛ titima kɛ ha matsɛ mɔ fiami.