Zakaria 9:16 - BAIBLO ALOO NGMAMI KLƆUKLƆU Ɔ

¹⁶ Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.

Zakaria 9:16 ပူးပေါင်းရင်းမြစ်များ

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

Mose II, 28:21

Tɛ ɔmɛ tsuo nɛ a pee nyɔngma kɛ enyɔ; nɛ Yakob binyumu ɔmɛ a biɛhi nɛ hi a nɔ kakaaka. Wɛtso nyɔngma kɛ enyɔ ɔmɛ ɔ, a kpɛ́ eko tsuaa eko biɛ ngɛ tɛ kake nɔ kaa bɔ nɛ a ngmaa ní ngɛ nguɛ ga nɔ ɔ.

Mose II, 28:9

Yaa hla shoham tɛ enyɔ, nɛ o ngma Yakob binyumu ɔmɛ a biɛhi ngɛ a nɔ

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

Yesaya 54:12

Ma ngɔ tɛ nɛ he jua wa nɛ a tsɛɛ rubi tɛ kɛ ma gbogbo ɔmɛ a yi mi ngɛ saflɛ ɔmɛ a nɔ. Ma ngɔ tɛ nɛ kpɛɔ kaa la, nɛ a tsɛɛ karbunkle tɛ ɔ kɛ pee agbo ɔmɛ. Gbogbo nɛ bɔle mo ɔ, tɛ nɛ he jua wa sɔuu ma ngɔ kɛ fia.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yesaya 60:3

Je mahi maa nyɛɛ kɛ ba o la a he, nɛ matsɛmɛ maa ba la nɛ ngɛ kpɛe ngɛ o nɔ ɔ he.

Yesaya 62:3

O maa pee kaa jlasi saminyayoo ngɛ Yawɛ, o Mawu ɔ dɛ mi.

Yeremia 23:3

Ye ma nɛ piɛ ɔ, ma bua a nya kɛ maa je zugbahi a nɔ hehi nɛ i fie mɛ kɛ ho ɔ, nɛ i kɛ mɛ maa ba mɛ nitsɛmɛ a zugba a nɔ ekohu. A ma fɔ, nɛ a he maa hiɛ babauu.

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yeremia 31:11

I he Israel yi wami, nɛ i kpɔ mɛ kɛ je je ma ko nɛ he wa pe mɛ ɔ dɛ mi.

Ezekiel 34:11

“Imi Nyɔmtsɛ Yawɛ, i ngɛ nyɛ dee ke, imi nitsɛ ma hla ye to ɔmɛ a se blɔ, nɛ ma hyɛ a nɔ.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Zefania 3:20

Be ma! Ma ngɔ nihi nɛ gbɛ fĩa a kɛ maa ba we ekohu. Ma ha nɛ nyɛ ma he biɛ ngɛ je ɔ mi tsuo; je ma amɛ ma je nyɛ yi, nɛ nyɛ ma na ní babauu ekohu.” Yawɛ lɛ de.

Hagai 2:23

Jamɛ a ligbi ɔ, ma ngɔ mo, ye tsɔlɔ Zerubabel, Sheatiel bi ɔ, nɛ ma wo mo tsɛ ngɛ ye biɛ mi. Mo ji nɔ nɛ i je blɔ hla.” Yawɛ Tabohiatsɛ ɔ lɛ de.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.