Zakaria 9:14 - BAIBLO ALOO NGMAMI KLƆUKLƆU Ɔ

¹⁴ Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Zakaria 9:14 ပူးပေါင်းရင်းမြစ်များ

Hiob 37:9

Kɔɔhiɔ nɛ nya wa fiaa kɛ jeɔ leneyi je, nɛ fĩɛ nɛ nya wa jeɔ omleyi je kɛ baa.

La 18:14

Ee, e tsɛ̃ e kɛ̃ɛ̃ mi bi ɔmɛ, nɛ e he nyɛli ɔmɛ gbɛ fĩa. E ha nɛ oslabai gba, nɛ a pee basaa.

La 18:15

Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 31:5

Bɔ nɛ lohwe pɛlitsɛ tee kɛ bɔleɔ e tsu kɛ buu e bimɛ a he ɔ, ja imi, Yawɛ Tabohiatsɛ ɔ ma bu Yerusalem he, nɛ ma fa e he.”

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Habakuk 3:11

Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.

Habakuk 3:14

Benɛ he nyɛli ɔmɛ hia ta kɛ ma puu kaa ahumi, konɛ a ba gbɛ wɔ ngɔ fĩa, nɛ e pee mɛ kaa peepee ta wa he, nɛ balɔ ko be, lɔ ɔ a nine gbe wɔ ɔ, o tsɛ o kɛ̃ɛ̃ mi bi ɔmɛ kɛ ya na a tatsɛ nɔkɔtɔma a.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Zakaria 14:3

Jehanɛ, Yawɛ kɛ je ma amɛ maa to ní kaa bɔ nɛ e peeɔ ngɛ ta nga nɔ ɔ.

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.