Zakaria 8:7 - BAIBLO ALOO NGMAMI KLƆUKLƆU Ɔ

⁷ Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Zakaria 8:7 ပူးပေါင်းရင်းမြစ်များ

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

La 113:3

Nihi nɛ ngɛ beleku je, kɛ bonyoku je tsuo, e sa kaa nyɛ je e yi.

La 147:2

Yawɛ ngɛ Yerusalem sisi toe ekohu; e ngɛ Israel bi ɔmɛ nɛ gbɛ fĩa a a nya buae kɛ ba.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Ezekiel 11:17

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Ma bua a nya kɛ maa je je ma amɛ a mi hehi nɛ a gbɛ mɛ kɛ fĩa a tsuo kɛ maa ba; nɛ ma ngɔ Israel zugba a ngɔ ha mɛ ekohu.

Ezekiel 36:33

Nyɔmtsɛ Yawɛ ke, “Ke i tsu nyɛ he kɛ je nyɛ he yayami ɔmɛ tsuo a mi ɔ, ma ha nyɛ ma ba hi nyɛ ma amɛ a mi ekohu, nɛ nyɛ ma dla maa ma we doku ɔmɛ.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.