Zakaria 8:23 - BAIBLO ALOO NGMAMI KLƆUKLƆU Ɔ

²³ Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Zakaria 8:23 ပူးပေါင်းရင်းမြစ်များ

Yesaya 60:3

Je mahi maa nyɛɛ kɛ ba o la a he, nɛ matsɛmɛ maa ba la nɛ ngɛ kpɛe ngɛ o nɔ ɔ he.

Yesaya 55:5

Jehanɛ lɛɛ, o ma tsɛ je mahi nɛ li mo kɛ ba; sa a, a li mo, se jehanɛ lɛɛ a ma wo fo kɛ ba o ngɔ! Imi Yawɛ, Israel Mawu klɔuklɔu ɔ ma ha ní nɛ ɔmɛ tsuo maa ba mi.”

1 Korintobi 14:25

E tsui mi laami sanehi tsuo maa je kpo paa; e ma kpla si ma ja Mawu, nɛ e maa jaje ke, “Niinɛ, Mawu kɛ nyɛ ngɛ!”

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Mose I, 31:7

Nyɛ tsɛ sisi mi, nɛ e tsake ye hiɔwo ɔ si nyɔngma. Se Mawu ngmɛ́ lɛ blɔ nɛ e pee mi yayami ko.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Yesaya 4:1

Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

Yesaya 3:6

Be ma, nɛ we puɔ nya ko bi maa hla a ti nɔ ko, nɛ a ma de lɛ ke, “Wa nɔ́ tsuaa nɔ́ hɛ mi kpata, se moo lɛɛ o ngɛ he ha nɔ́ ko, lɔ ɔ he ɔ, ba pee wa tsɛ, nɛ o ye wa nɔ.”

Fiɛlɔ 11:2

Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.

Hiob 19:3

Kpamisa nɛ ɔ, jɛmi kɛkɛ nyɛ ngɛ mi jɛe. Anɛ e pee we nyɛ zo kaa nyɛ ngɛ mi nisɛ ní pee lo?

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Matsɛmɛ II, 2:6

Eliya de Elisha ekohu ke, “Yawɛ tsɔ mi Yordan pa a nya; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ tsuo a pue nɔ kɛ ho Yordan pa a nya ya,

Mika 5:5

E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Mose I, 31:41

Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.

Luka 8:44

Yo nɛ ɔ ba je Yesu se je, nɛ e ta Yesu tade ɔ nya fiami ɔ he; nɛ amlɔ ɔ, muɔ nɛ ngɛ dɛe ngɛ e he ɔ se po.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Zefania 3:19

Be ma! Ma gbla nihi nɛ waa nyɛ yi mi ɔ a tue; ma he akpaketsɛmɛ ɔmɛ tsuo a yi wami, nɛ ma kpale nihi nɛ a nuu nyɔguɛ ɔ kɛ ba we ekohu. Ma tsake a zo ɔ kɛ pee hɛ mi nyami, nɛ je ɔ tsuo ma je a yi.

Kronika II, 15:9

Nihi babauu ku kɛ je Efraim, Manase, kɛ Simeon ngɛ Israel kɛ ba Asa ngɔ, nɛ a kɛ lɛ ba hi si; ejakaa a nu kaa Yawɛ kɛ lɛ ngɛ. Asa kpee mɛ tsuo kulaa kɛ piɛ Yuda kɛ Benyamin he.

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.