Zakaria 8:19 - BAIBLO ALOO NGMAMI KLƆUKLƆU Ɔ

¹⁹ “Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Zakaria 8:19 ပူးပေါင်းရင်းမြစ်များ

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Zakaria 8:16

Níhi nɛ sa kaa nyɛɛ pee ji nɛ ɔmɛ: nyɛɛ ye nyɛ sibi anɔkuale; nyɛɛ kɛ juɛmi kpakpa nɛ ye dami sane ngɛ nyɛ kojomi he ɔmɛ, konɛ tue mi jɔmi nɛ ba.

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Zakaria 7:3

Jehanɛ, á bi osɔfo ɔmɛ, kɛ gbali ɔmɛ munyu ke, “Jeha babauu nɛ be ɔ, kɔmɔ nɛ wa yeɔ nɛ wa haa hwɔ nyɔhiɔ enuɔne ɔ, anɛ waa ya nɔ waa hi pee kpamisa lo?”

Yeremia 52:4

Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Babilonia matsɛ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Matsɛmɛ II, 25:25

Se nyɔhiɔ nɛ ji kpaago ɔ, Netania binyumu Ishmael, Elishama bibi ɔ nɛ je matsɛ weku ɔ mi ɔ, ngɔ nyumuhi nyɔngma kɛ ho ya tua Gedalia ngɛ Mizpa; nɛ a gbe lɛ, kɛ nihi nɛ e kɛ mɛ ngɛ lejɛ ɔ, Israel bi, kɛ Babilonia bi tsuo.

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Ester 9:22

Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Yeremia 36:6

Se ma suɔ nɛ moo lɛɛ o ya lejɛ ɔ be mi nɛ ni ɔmɛ ngɛ hwɔ hae. Yaa kane womi kpo ɔ, ngɛ lejɛ ɔ nɛ́ ma a tsuo nɛ nu nɔ́ tsuaa nɔ́ nɛ Yawɛ de mi, nɛ imi hu i tsɛ ha mo nɛ o ngma a. Kane womi kpo ɔ ngɛ lejɛ ɔ, konɛ Yuda bi nɛ je a ma amɛ a mi kɛ ba a, mɛ hu a nu.

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

Zakaria 8:18

Yawɛ Tabohiatsɛ ɔ ha Zakaria sɛ gbi ekohu ke,

Matsɛmɛ II, 25:1

Zedekia tsɔ atuã kɛ wo Babilonia matsɛ, Nebukadnezar. Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

Ezekiel 18:8

Ke e pa sika ha nɔ ko ɔ, e he we hekpa. E yɛ he nɛ a ngɛ yayami pee ngɛ, konɛ yayami ko sã lɛ. E kojoɔ nɔ kɛ e nyɛmi a kpɛti sane anɔkuale mi.

Ezekiel 24:1

Benɛ a nuu wɔ kɛ ho ma se ya a, jeha nɛɛne ɔ we nyɔhiɔ nyɔngma a we ligbi nyɔngma a, Yawɛ kɛ mi tu munyu ekohu.