Zakaria 8:10 - BAIBLO ALOO NGMAMI KLƆUKLƆU Ɔ

¹⁰ Benɛ jamɛ a be ɔ na we nɛ e su ɔ, nɔ ko nɔ ko nyɛ we nɛ e bɔ nɔmlɔ, loo lohwe apaa kɛ tsu ní. Nɔ ko nɔ ko nyɛ we nɛ e je kpo ya tsu nɔ́ ko, ejakaa he nyɛli ha we nɔ he jɔmi kulaa. I ha nɛ nɔ tsuaa nɔ te si kɛ wo e nyɛmi.

Zakaria 8:10 ပူးပေါင်းရင်းမြစ်များ

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Yesaya 19:2

Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Manyadali 5:11

Nyɛɛ bu tue! Nimli asafo ɔ nɛ pueɔ si ngɛ nyɛ nyu yɛmi he ɔmɛ ɔ, a ngɛ lae, nɛ a ngɛ gbae bɔ nɛ Yawɛ ye manye ha Israel. Kɛkɛ nɛ Yawɛ ma a kɛ gɛjɛmi nyɛɛ kɛ ba agbo ɔmɛ a nya.

Hagai 2:15

Yawɛ ke, “Nɔ́ nɛ ba nyɛ nɔ loko nyɛ bɔni Yawɛ we ɔ mami ɔ, nyɛ nɛ́ lo?