Zakaria 7:7 - BAIBLO ALOO NGMAMI KLƆUKLƆU Ɔ

⁷ Munyu nɛ ɔmɛ nɔuu ji sɛ gbi nɛ Yawɛ ha kɛ gu gbali nɛ sɛ hlami ɔ a nɔ. Jamɛ a be ɔ, Yerusalem na ní kpɔtɔɔ. Jamɛ a be ɔ, nihi babauu ngɛ Yerusalem ma a mi; nɛ kɔpe ɔmɛ nɛ bɔle ma a, kɛ zugba a nɛ ngɛ leneyi je, kɛ yo ɔmɛ a kuɔ si ɔ tsuo hyi tɔ kɛ nimli.

Zakaria 7:7 ပူးပေါင်းရင်းမြစ်များ

Yeremia 17:26

Nihi maa je Yuda ma amɛ, kɛ kɔpehi nɛ bɔle Yerusalem ɔ a mi kɛ ba; a maa je Benyamin zugba a nɔ, nga nɔ, yo ɔmɛ a nɔ, kɛ Yuda leneyi je. A maa hɛɛ sami bɔhi, niye ní bɔhi, sina bɔhi, bɔ kpahi, kɛ tsopa kɛ e he via kɛ ba imi Yawɛ, ye we ɔ.

Yeremia 32:44

Nihi maa ngɔ a sika kɛ ba he zugba. A kɛ a nine maa wo womihi nɛ a maa pee ngɛ zugba amɛ a he ɔ a sisi; a maa sɔu womi ɔmɛ a nya, nɛ a ma tsɛ nihi nɛ a ba ye odase. A maa pee nɔ́ nɛ ɔ ngɛ Benyamin zugba a nɔ; a maa pee ngɛ kɔpehi nɛ bɔle Yerusalem ɔ a mi, a maa pee ngɛ Yuda ma amɛ a mi; a maa pee ngɛ yo nɔ ma amɛ a mi; nɛ a maa pee ngɛ nga nɔ ma amɛ, kɛ leneyi je ma amɛ hu a mi. Imi, Yawɛ lɛ i de.”

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Yeremia 7:5

“Nyɛ tsake nyɛ je mi babɛ; kɛ nyɛ ní peepee. Nyɛɛ kɛ nyɛ nyɛmimɛ nɛ hi si saminya.

Yeremia 33:13

Ngɛ yo nɔ ma amɛ, kɛ nga nɔ ma amɛ a mi, kɛ Yuda leneyi je, Benyamin zugba a nɔ, Yerusalem kɔpe ɔmɛ, kɛ Yuda ma amɛ a mi ɔ, to hyɛli maa kane a tohi ekohu. Imi, Yawɛ lɛ i de.”

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Mose V, 34:3

Yuda zugba a leneyi je, kɛ nga kplanaa a nɛ ngɛ kɛ je Zoar kɛ ya su ma ngua a nɛ tã ngɛ mi, nɛ e biɛ ji Yeriko ɔ.

Yeremia 13:19

A sa Yuda leneyi je ma amɛ a yi; nɔ ko nɔ ko be nɛ maa je ngmlaa ha mɛ. A nuu Yuda bi ɔmɛ tsuo nyɔguɛ kɛ ho.”

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Zakaria 7:6

Ke a ye ní nɛ a nu ní ɔ, imi a pee kɛ ha lo? Pi mɛ nitsɛmɛ a he nɛ a pee ha lo?”

Zakaria 7:8

Yawɛ ha Zakaria sɛ gbi nɛ ɔ ke,

Zakaria 7:12

A kplii a tsui konɛ a ko nu mlaahi, kɛ níhi nɛ i ha gbali ɔmɛ nɛ sɛ a hlami ɔ tsɔɔ mɛ ɔ. Enɛ ɔ he ɔ, imi Yawɛ Tabohiatsɛ ɔ, ye mi mi fu mɛ wawɛɛ nitsɛ.