Zakaria 6:5 - BAIBLO ALOO NGMAMI KLƆUKLƆU Ɔ

⁵ E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Zakaria 6:5 ပူးပေါင်းရင်းမြစ်များ

Kpojemi 7:1

Enɛ ɔ se ɔ, i na Mawu bɔfohi eywiɛ nɛ a daa si ngɛ je ɔ kɔ nya eywiɛ ɔmɛ. A tsi kɔɔhiɔ eywiɛ ɔmɛ a nya, konɛ kɔɔhiɔ ko fia ngɛ zugba a nɔ, loo wo nɔ, loo kɛ muɔ tso ko.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 1:7

Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Ezekiel 37:9

Jehanɛ Nyɔmtsɛ Yawɛ de mi ke, “Nɔmlɔ adesa, gbaa kɛ tsɔɔ mumi ɔ. De lɛ ke Nyɔmtsɛ Yawɛ ke e je je ɔ kɔ nya eywiɛ ɔmɛ tsuo kɛ ba, nɛ e ba wo mumi kɛ pue gbogboe nɛ ɔmɛ a nɔ, konɛ a ba wami mi ekohu.”

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

La 68:17

Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

Hiob 1:6

Ligbi ko ɔ, Mawu bimɛ ɔmɛ ba bua a he nya ngɛ Yawɛ hɛ mi, nɛ Satan hu piɛ a he kɛ ba.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Ezekiel 11:22

Kɛkɛ nɛ kerub ɔmɛ gbɛ a pɛlihi a mi nɛ a te; nɛ tlɔɔke nane ɔmɛ hu nyɛɛ a se. Nɛ Israel Mawu ɔ hɛ mi nyami ɔ ngɛ kpɛe hleii ngɛ a nɔ.

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Yoshua 3:11

Je ɔ tsuo pɛpɛɛpɛ Nyɔmtsɛ ɔ somi daka a maa sɛ nyɛ hɛ mi kɛ ya po Yordan pa a.

Yeremia 49:36

Ma ha kɔɔhiɔ nɛ nya wa maa fia kɛ je hehi munomuno kɛ ba Elam. Ma gbɛ Elam bi ɔmɛ ngɔ fĩa he tsuaa he; nɛ a maa na Elam bi nɛ a gbɛ mɛ ngɔ fĩa nɛ ɔ ngɛ je ma amɛ tsuo a mi.

Daniel 11:4

Se ke be nɛ e he wami ɔ ba he si ɔ, e matsɛ yemi ɔ maa gbɛ. A maa dla matsɛ yemi ɔ mi eywiɛ, nɛ ni kpahi nɛ pi e weku li ma ba ye tsɛ ngɛ e nane mi. Se a he wami ɔ, kɛ e nɔ́ ɔ be sɔe.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.