Zakaria 6:3 - BAIBLO ALOO NGMAMI KLƆUKLƆU Ɔ

³ etɛne ɔ, okpɔngɔ futaahi, nɛ eywiɛne ɔ lɛɛ okpɔngɔ huatahuatahi nɛ a ngɛ lɛ gblae.

Zakaria 6:3 ပူးပေါင်းရင်းမြစ်များ

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Daniel 2:33

a kɛ dade pee e nane tsohi; e nanewɛɛ lɛɛ a kɛ dade pee fa, nɛ fa nɛ piɛ ɔ hu a kɛ zu pee.

Mose I, 31:10

“Benɛ e su be nɛ lohwe ɔmɛ kɛ a he naa bɔmi ɔ, i nla nɛ akpakpo ɔmɛ nɛ ngɛ yi ɔmɛ kuɔe ɔ ekomɛ a he ngmaangmaa, ekomɛ a he ngɛ huatahuata, nɛ ekomɛ a he tsɔɔtsɔɔ mi.