Zakaria 6:13 - BAIBLO ALOO NGMAMI KLƆUKLƆU Ɔ

¹³ Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Zakaria 6:13 ပူးပေါင်းရင်းမြစ်များ

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Yesaya 22:24

“Se e tsɛ we ɔ, e bimɛ, e nyɛmimɛ, kɛ e nina tsuo ma ba pee tlomi ngɛ e nɔ kaa kutuhi kɛ kãhi nɛ kplaa si ngɛ tso plɛɛko he!

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

La 21:5

O piɛ e he, nɛ e hɛ mi ba nyami; o ha nɛ e ná biɛ, kɛ agboje.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Kolosebi 1:2

mane ni klɔuklɔu ɔmɛ nɛ ji wa nyɛmimɛ nɛ ngɛ Kolose, nɛ yeɔ anɔkuale, nɛ a kɛ Kristo pee kake ɔ. Dloomi kɛ he jɔmi nɛ je wa Tsɛ Mawu ɔ dɛ mi ɔ ha nyɛ!

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Zakaria 6:11

Ngɔɔ sika hiɔ, kɛ sika tsu nɛ a kɛ ba ke ɔ kɛ pee matsɛ pɛɛ, nɛ o kɛ bu Yehozadak bi Yoshua, osɔfo nɔkɔtɔma pe kulaa a.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yesaya 54:10

Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

La 21:4

E bi mo ke o ha nɛ e wami se nɛ kɛ, nɛ o kplɛɛ nɔ ha lɛ. O ha lɛ be babauu nitsɛ nɛ nyagbe be he.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.