Zakaria 6:12 - BAIBLO ALOO NGMAMI KLƆUKLƆU Ɔ

¹² De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Zakaria 6:12 ပူးပေါင်းရင်းမြစ်များ

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Hebribi 8:3

A woɔ osɔfo nɔkɔtɔma pe kulaa, konɛ e ngɔ nike ní kɛ ha Mawu, nɛ e sã bɔ ha lɛ. Lɔ ɔ he ɔ, wa osɔfo nɔkɔtɔma pe kulaa a hu e hia nɛ e ná nɔ́ ko nɛ e kɛ ha Mawu.

Hebribi 7:24

Se Yesu lɛɛ e ngɛ kɛ yaa neneene, nɛ e we osɔfo yemi ɔ se pui gblegbleegble.

Hebribi 7:4

Nyɛɛ hyɛ nɔmlɔ nɛ ɔ we agboje! Abraham, wa nɛ̃ nɛ he biɛ ɔ po ha lɛ ta yibu ní ɔ nɛ e na ngɛ ta mi ɔ tsuo mi mi dlami nyɔngma mi kake.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

Ni Tsumi 13:38

Ye nyɛmimɛ, wa suɔ nɛ nyɛɛ le kaa Yesu nɔ nɛ a guu kɛ fiɛɔ tsɔɔ nyɛ ke, a maa ngɔ nyɛ he yayami kɛ pa nyɛ, nɛ nɔ tsuaa nɔ nɛ heɔ lɛ yeɔ ɔ maa ye e he; jinɛ Mose mlaa a nya a, a ko gbla e tue.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Luka 1:78

Wa Mawu ɔ mi mi jɔ, nɛ e naa mɔbɔ. E ma kpɔ wɔ kaa bɔ nɛ mɔtu pu la fieɔ diblii kɛ yaa se ɔ.

Marko 15:39

Benɛ asafoatsɛ ɔ nɛ daa si ngɛ Yesu hanɔ ɔ na bɔ nɛ e plɛ kɛ gbo ɔ, e de ke, “Niinɛ, nɔmlɔ nɛ ɔ, Mawu Bi ji lɛ!”

Marko 15:29

Nihi nɛ bee ɔ tu musu bɔmi munyuhi kɛ si Yesu. A mimiɛ a yi, nɛ a de ke, “Ei, mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ!

Marko 14:58

“Wɔ nitsɛmɛ wa nu nɛ e de ke, ‘Ma ku sɔlemi we nɛ nimli ma nɛ ɔ, nɛ ligbi etɛ se ɔ, ma ma ekpa nɛ pi nimli nɛ ma.’ ”

Mateo 26:61

nɛ a ba de ke, “Nyumu nɛ ɔ de ke, ‘Ma nyɛ ma ku Mawu sɔlemi we ɔ pue si, nɛ ligbi etɛ se ɔ, ma fia ekohu.’ ”

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Mika 5:5

E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Yohane 19:5

Lɔ ɔ he ɔ, Yesu je kpo kɛ e yi jlasi nɛ a kɛ mio pee ɔ, kɛ e he tade he jua wawɛ tsutsuutsu ɔ. Pilato de mɛ ke, “Nyɛ nɛ nɔmlɔ ɔ!”

Ezekiel 37:25

A maa hi zugba nɛ i ngɔ ha ye tsɔlɔ Yakob ɔ nɔ. Lejɛ ɔ lɛ a nɛmɛ ɔmɛ hi, nɛ lejɛ ɔ a bimɛ, kɛ a nina tsuo maa hi kɛ maa ya neneene. Ye tsɔlɔ David maa ye ganɔ kɛ maa ya neneene.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Ezekiel 41:1

Pee se ɔ, nyumu ɔ kɛ mi ba Yawɛ we ɔ mi nitsɛ. E susu sinya a nya titima a; kɛ je hiɛ kɛ yaa a, peeɔ gugue kake kɛ fa, nɛ kɛ je hiɛ kɛ yaa hu peeɔ gugue kake kɛ fa; ja nɔuu bo tsu mi blimi peeɔ.