Zakaria 6:11 - BAIBLO ALOO NGMAMI KLƆUKLƆU Ɔ

¹¹ Ngɔɔ sika hiɔ, kɛ sika tsu nɛ a kɛ ba ke ɔ kɛ pee matsɛ pɛɛ, nɛ o kɛ bu Yehozadak bi Yoshua, osɔfo nɔkɔtɔma pe kulaa a.

Zakaria 6:11 ပူးပေါင်းရင်းမြစ်များ

Zakaria 3:1

I na nina kpa ko. Yawɛ ha nɛ i na osɔfo nɔkɔtɔma pe kulaa Yoshua nɛ daa si ngɛ Yawɛ bɔfo ɔ hɛ mi; nɛ Abosiami ba daa si ngɛ Yoshua hiɔ nɔ, konɛ e po Yoshua nya.

La 21:3

O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

Lahi 3:11

Zion yihi, nyɛɛ ba nɛ nyɛ ba hyɛ Matsɛ Salomo. Jlasi nɛ e nyɛ bu lɛ matsɛ ɔ yo kpeemi ligbi ɔ ngɛ e yi. Yo kpeemi ligbi ɔ, a nya, nɛ a bua jɔ wawɛɛ nitsɛ.

Kpojemi 19:12

E hɛngmɛ ngɛ kaa la lilɛ, nɛ jlasi babauu fi e yi. A ngma biɛ ko ngɛ e nɔmlɔ tso ɔ he ko; se nɔ ko nɔ ko li nɔ́ nɛ ji, ja lɛ pɛ.

Zakaria 3:5

E fa nihi nɛ daa si ngɛ e hɛ mi ɔ ke a hla yi fimi nɔ́ nɛ he tsɔ kɛ fi Yoshua yi ha lɛ, nɛ a wo lɛ tade saminyayoo ɔ. Nɛ Yawɛ bɔfo ɔ daa si ngɛ hyɛe.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Mose III, 8:9

E bu lɛ pɛɛ kɛ e hɛ mi sika tsu june nɛ ji jlasi klɔuklɔu kaa bɔ nɛ Yawɛ fa lɛ Mose ɔ.

Mose II, 39:30

A kɛ sika tsu ngmingmiingmi pee jlasi klɔuklɔu ɔ hɛ mi plɛɛte pɛtɛpɛtɛ ɔ, nɛ a ngma ní ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ́ ɔ ke, “Klɔuklɔu ha Yawɛ.”

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Hagai 1:14

Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Mose II, 29:6

Jehanɛ ɔ, bu lɛ pɛɛ ɔ, nɛ o fi jlasi klɔuklɔu kɛ wo pɛɛ ɔ he.

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.

Samuel II, 12:30

David je jlasi ɔ nɛ ngɛ Amon bi ɔmɛ a we amaga Milkon ɔ yi, nɛ lɛ nitsɛ e bu. Jlasi ɔ jiimi maa pee sika tsu kilo nyingmi etɛ kɛ enuɔ jiimi; nɛ tɛ nɛ he jua wa ngɛ mi. David ngɔ ta yibu ní babauu nitsɛ kɛ je ma a mi kɛ ba.

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Zakaria 6:14

A kɛ matsɛ pɛɛ nɛ ɔ maa to Yawɛ we ɔ mi kɛ kai Heldai, Tobiya, Yedaya, kɛ Zefania bi Yosia tsuo.”