Zakaria 6:1 - BAIBLO ALOO NGMAMI KLƆUKLƆU Ɔ

¹ I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.

Zakaria 6:1 ပူးပေါင်းရင်းမြစ်များ

Daniel 8:22

Jehanɛ, koli eywiɛ ɔmɛ nɛ ba benɛ kaketsɛ ɔ ku ɔ daa si ha matsɛmɛ eywiɛ komɛ nɛ maa je Hela nɔ yemi ɔ mi kɛ ba. Se a ti nɔ ko nɔ ko kɛ kekleekle nɔ ɔ be sɔe.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Zakaria 5:1

Jehanɛ i na nina kpa ko. I na womi kpo ko nɛ te kɛ bee.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Daniel 4:15

Se kɛ̃ ɔ, nyɛ si tso kpoku ɔ kɛ e sipoku ɔmɛ ngɛ zu ɔ mi. Nyɛɛ ngɔ kpa nɛ a kɛ dade kɛ akɔblee pee kɛ fi lɛ, nɛ nyɛ si lɛ ngɛ nga a nɔ ngɛ lejɛ ɔ. “ ‘Nyɛ ha bɔ́ nɛ nɛ kɛ pue nyumu nɛ ɔ nɔ; e kɛ pu mi lohwehi nɛ hi si, nɛ e kɛ mɛ nɛ ye ní.

Yesaya 43:13

Imi ji Mawu, nɛ i ngɛ daa. Nɔ ko nɔ ko be nyɛe ma je e he kɛ je ye dɛ mi. Ke i pee nɔ́ ko ɔ, mɛnɔ ma tsake?”

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

La 33:11

Se Yawɛ yi mi tomi ɔmɛ ngɛ daa; e susumi ɔmɛ ngɛ kɛ yaa neneene.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.

Matsɛmɛ II, 6:17

Kɛkɛ nɛ Elisha sɔle nɛ e de ke “Yawɛ, i kpa mo pɛɛ, bli e hɛngmɛ nɛ e hyɛ nɔ́.” Yawɛ bli niheyo ɔ hɛngmɛ; nɛ benɛ e ke e hyɛɛ ɔ, la okpɔngɔhi, kɛ la ta zugba lɛhi babauu ji nɛ ɔ ngɛ yoku ɔ nɔ nɛ bɔle Elisha kɛ kpe.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!