Zakaria 5:8 - BAIBLO ALOO NGMAMI KLƆUKLƆU Ɔ

⁸ Bɔfo ɔ de ke, “Yo nɛ ɔ daa si ha yi wu tso ní peemi.” Kɛkɛ nɛ e nyɛ yo ɔ nɔ kɛ wo kusii ɔ mi, nɛ e ngɔ nya nɔ́ ɔ kɛ bu nya.

Zakaria 5:8 ပူးပေါင်းရင်းမြစ်များ

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Mateo 23:32

Lɔ ɔ he ɔ, nyɛɛ ya nɔ! Ní tsumi nɛ nyɛ nɛmɛ ɔmɛ je sisi ɔ, nyɛ tsu kɛ gbe nya!

Zakaria 5:7

Sumui a kɛ pee kusii ɔ nya nɔ́ ɔ; a bli kusii ɔ nya, nɛ yo ko hii si ngɛ mi!

Mika 6:11

Nihi nɛ ngɔɔ sɛni yayahi, kɛ sɛni tɛhi nɛ sui kɛ tsuɔ ní ɔ, anɛ ma ngɔ a he yayami kɛ pa mɛ lo?

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Hosea 12:7

Yawɛ ke, “Jua yelɔ nɛ ngɔɔ lakpa sɛni kɛ e nɔ sɛni tɛ kɛ juaa ní ɔ, nɔ sisilɔ ji lɛ.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.