Zakaria 5:6 - BAIBLO ALOO NGMAMI KLƆUKLƆU Ɔ

⁶ I bi lɛ ke, “Mɛni enɛ ɔ tsɔɔ?” E he nɔ ke, “Kusii. Ee, kusii nɛ ɔ daa si ha yayami tsuo nɛ a pee ngɛ zugba a nɔ ɔ.”

Zakaria 5:6 ပူးပေါင်းရင်းမြစ်များ

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Mose III, 19:36

Nyɛɛ ngɔ sɛnihi, sɛni tɛhi, kɛ susumi níhi nɛ da kɛ tsu ní. Imi ji Yawɛ, nyɛ Mawu ɔ nɛ je nyɛ kɛ je Egipt zugba a nɔ ɔ nɛ.

Zakaria 5:7

Sumui a kɛ pee kusii ɔ nya nɔ́ ɔ; a bli kusii ɔ nya, nɛ yo ko hii si ngɛ mi!

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Amos 8:6

Wa maa jua ngma bibliwi po kɛ he jua wawɛ. Wa ma he ohiatsɛmɛ kɛ pee wa nyɔguɛhi, ejakaa a be nyɛe maa wo a hiɔ ɔmɛ. Ke ohiatsɛ ko hɛɛ hiɔ nɛ e nya maa su kaa tokota nane hiɛ kɛ hiɛ po, e be nyɛe maa wo.”

Mika 6:10

Nyɛ yayami ɔmɛ ba hiɛ tsɔ! Sisimi blɔ nɔ nɛ nyɛ guɔ kɛ naa ní ɔ, anɛ nyɛ be kpae lo? Yayami peeli a wehi a mi hyi tɔ kɛ june nɛ a kpɔ ngɛ nihi a dɛ. A kɛ sɛni tɛ nɛ sui ngmɛɔ níhi. I nyɛ nɔ́ nɛ ɔ.

Zefania 1:9

Nihi nɛ tuɔ kɛ haneɔ kpoku, kaa bɔ nɛ wɔ jali peeɔ, ni nɛmɛ nɛ juɔ, kɛ ni nɛmɛ nɛ gbeɔ nihi nɛ a kpɔɔ níhi ngɛ a dɛ kɛ ba woɔ a mawu jami he ɔ, ma gbla mɛ tsuo kulaa a tue.